Բոլոր քաղաքական ուժերի, այդ թվում ՀՀԿ մասնակցությամբ երկրի համար արդիական խնդիրների քննարկման նպատակով կլոր սեղան անցկացնելու Րաֆֆի Հովհաննիսյանի առաջարկությունը ողջունելի է, քանզի դա ցույց է տալիս, որ Րաֆֆի Հովհաննիսյանն արթնացել է երկարատև քնից, ԱրմԻնֆոյի թղթակցի հետ զրույցում հայտարարել է ՀՀԿ խմբակցության քարտուղար Հովհաննես Սահակյանը` մենաբանելով քաղաքական ուժերի համախմբման վերաբերյալ Հովհաննիսյանի առաջարկությունը` երկրի առջև ծառացած խնդիրները լուծելու համար:

Հայաստանի զինդատախազությունը Սյունիքի նախկին մարզպետ Սուրեն Խաչատրյանի տան մոտ տեղի ունեցած արյունալի միջադեպի միակողմանի նախաքննություն է վարում: Այդ մասին հայտարարել է Խաչատրյանի տան վրա հարձակման համար մեղադրվող Արտակ Բուդաղյանի փաստաբան Հայկ Ալումյանը հուլիսի 19-ին կայացած մամուլի ասուլիսում: 

 ՙԳեոթիմ՚ ՓԲԸ հրավերով Ամուլսարի հանքավայր է այցելել միջազգային բանկերի և ներդրումային կազմակերպությունների խումբը` նախագծին ծանոթանալու և նախագծում ներդրումների մասին որոշում կայացնելու համար: Կանադական TSO& Associates ընկերության ներկայացուցիչ Թերենս Օրթսլանը, հանքավայր այցելության ժամանակ պատասխանելով լրագրողների հարցերին, հայտարարել է, որ ընկերությունն արդեն ներդրում է կատարել Ամուլսարի նախագծում և կշարունակի նոր ներդրողների ներգրավել` ներրդումները նախագծում հասցնելով մինչև 12 մլն դոլարի կամ նախագծի արժեքի 58 տոկոսի:

 ՙՎերջին զինվորական շքերթը ցույց տվեց ադրբեջանական բանակի հզորությունը՚, - հայտարարել է Ադրբեջանի նախագահ Իլհամ Ալիևը` հինգշաբթի ելույթ ունենալով Ադրբեջանի կառավարության նիստում, հաղորդում են ադրբեջանական ԶԼՄ-ները:

 ՙՆախախորհրդարանի՚ ներկայացուցիչ Տիգրան Խզմալյանը բողոքի զանգվածային գործողությունների սկիզբ է նախագուշակում: ՙԵրբ ծանր ապրող մարդիկ ստանան կոմունալ ծառայությունների դիմաց վճարման իրենց առաջին անդորրագրերը, բողոքի այնպիսի ալիք կսկսվի, որին չեն դիմանա ոչ միայն իշխանության ղեկին գտնվողները, այլև`հենց քաղաքացիական հասարակությունը, որը փորձում է այդ ամենն ուղղել քաղաքակիրթ պայքարի հուն՚, - հայտարարել է Խզմալյանը ԱրմԻնֆոյի թղթակցի հետ զրույցում:

 Ադրբեջանի նախագահ Իլհամ Ալիևի այն հայտարարությունը, թե Հայաստանը ՙդողում է Ադրբեջանի ռազմական հզորության առջև, որը ցուցադրվել է վերջին զինվորական շքերթի ժամանակ՚, պարզապես, զառանցանք է, հայտարարել է ՀՀ պաշտպանության նախարարի մամուլի քարտուղար Արծրուն Հովհաննիսյանը` ԱրմԻնֆոյի թղթակցի հետ զրույցում մեկնաբանելով Ալիևի  ելույթը Ադրբեջանի կառավարությունում:

ՀՀ գլխավոր դատախազության պետական շահերի պաշտպանության վարչությունում շարունակվում է ՀՀ վերահսկիչ պալատի` 2012թ. տարեկան հաշվետվության ուսումնասիրությունը: 2013թ. հուլիսի 17-ի դրությամբ՝ ուսումնասիրության արդյունքում առանձնացվել են 6 նյութեր եւ ուղարկվել ՀՀ կառավարությանն առընթեր ոստիկանության քննչական գլխավոր վարչություն` օրենքով սահմանված կարգով ընթացք տալու համար: Այդ մասին տեղեկացնում է ՀՀ Գլխավոր դատախազության մամլո ծառայությունը: 

 Մարդու իրավունքների պաշտպան Կարեն Անդրեասյանը Հրաչյա Հարությունյանի գործով կիրակի օրը՝ հուլիսի 21-ին, կմեկնի Մոսկվա: 

Մոսկվան և Երևանը մտահոգված են մերձմոսկովյան Պոդոլսկում տեղի ունեցած ողբերգությունը շահարկելու փորձերով` ռուս–հայկական բարեկամության ոգուն հակասող տրամադրություններ հրահրելու համար: Այդ մասին, ինչպես գրում է ԻՏԱՌ-ՏԱՍՍ-ը, այսօր հայտարարել են ՌԴ ԱԳՆ-ում` Ռուսաստանում Հայաստանի դեսպան Օլեգ Եսայանի հետ ՌԴ ԱԳՆ պետական քարտուղար – փոխնախարար Գրիգորի Կարասինի հանդիպման արդյունքների համաձայն: 

Հուլիսի 18-ին համագործակցության պայնագիր է ստորագրվել Հայփոստի եւ ՀՀ ՊԵԿ-ի միջեւ, ըստ որի, ՀայՓոստի վերանորոգված և արդիականացված բաժանմունքներում ստեղծվում են հարկ վճարողների սպասարկման կետեր, որտեղ աշխատելու են ՊԵԿ ներկայացուցիչներ: Պայմանագիրը ստորագրել են ՀՀ ՊԵԿ նախագահ Գագիկ Խաչատրյանը, ՙՀայփոստ Թրասթ Մենեջմենթի՚ գլխավոր տնօրեն Խուան Պաբլո Գեչիջյանը, ՙՀայփոստ՚ ՓԲԸ գործադիր տնօրենի պաշտոնակատար Հայկ Ավագյանը:

 ՙՌոստելեկոմ՚ ընկերությունը վաճառքի և սպասարկման սրահ է բացել Աջափնյակ համայնքում:

 ՙԺառանգություն՚ կուսակցությունը պատրաստվում է համազգային հեղափոխության, որը տեղի կունենա ընթացիկ տարվա աշնանը: Այդ մասին մամլո ասուլիսի ժամանակ հայտարարել է ՙԺառանգության՚ առաջնորդ Րաֆֆի Հովհաննիսյանը:

 Սյունիքի նախկին մարզպետ Սուրիկ Խաչատրյանը վերջին աղմկահարույց դեպքերից հետո որոշել է վերջնականապես լքել Հայաստանը: Ինչպես գրում է ՙԻրավունք՚ թերթը`վկայակոչելով արժանահավատ աղբյուրներին, նա պատրաստվում է բնակություն հաստատել Ֆրանսիայի Լիոն քաղաքում, որտեղ սովորել է իր որդին։ 

 Երևանի քաղաքապետարանի շենքի մոտ բողոքի ակցիա է տեղի ունենում մայրաքաղաքային տրանսպորտի ուղեվարձի`հուլիսի 20-ից նախատեսվող թանկացման դեմ:

 Վերջին շրջանում մամուլում լայնորեն շրջանառվում են կարծիքներ Մոսկվայի մերձակայքում տեղի ունեցած ավտովթարից հետո կալանավորված` ՀՀ քաղաքացի Հրաչյա Հարությանյանի ՙէքստրադիցիայի՚ վերաբերյալ: Նկատի ունենալով հիշյալ օտարահունչ բառի անհարկի օգտագործումը հասարակության լայն շրջանակներում՝ ՀՀ արդարադատության նախարարությունը նպատակահարմար է գտնում հստակեցնել հանցագործություն կատարած անձանց հանձնման՝ ՙէքստրադիցիայի՚ կամ արտահանձնման և դատապարտյալների փոխանցմանն առնչվող գործընթացների տարբերությունները, ինչպես նաև պարզաբանել մի շարք իրավական դրույթներ, որոնք կարգավորում են միջազգային հարաբերությունները հիշյալ բնագավում:

 Կիպրոսում գրանցված WLISPERA HOLDINGS LIMITED օֆշորային ընկերության սեփականության մասին փաստաթղթերի ներքո Հայաստանի վարչապետ Տիգրան Սարգսյանի ստորագրությունը չկա: Այդ մասին հաղորդել է վարչապետի մամուլի քարտուղար Հարություն Բերբերյանը ԱրմԻնֆոյի թղթակցի հետ զրույցում:

Նախագահ Սերժ Սարգսյանն այսօր ընդունել է Հարավային Կովկասի և Վրաստանի ճգնաժամի հարցերով Եվրամիության հատուկ ներկայացուցիչ Ֆիլիպ Լեֆորին:

 Լեռնային Ղարաբաղի Հանրապետության արտաքին գործերի նախարարության ստեղծման 20-ամյակին նվիրված միջոցառումների շրջանակներում՝ հուլիսի 18-ին ԱԳՆ նիստերի դահլիճում անց է կացվել աշխատանքային խորհրդակցություն՝ նախարար Կարեն Միրզոյանի, արտաքին քաղաքական գերատեսչության ղեկավար աշխատակիցների և արտերկրում ԼՂՀ մշտական ներկայացուցիչների մասնակցությամբ: 

 Հատուկ քննչական ծառայությունում ՀՀ ՔՕ 178-րդ հոդվածի 2-րդ մասի 2-րդ կետով քննվող քրեական գործով տարբեր քաղաքացիներից խարդախությամբ առանձնապես խոշոր չափերի գումար հափշտակելու համար ձերբակալվել է ՀՀ ոստիկանության Արագածոտնի մարզային վարչության Աշտարակի բաժնի պետի օպերատիվ գծով նախկին տեղակալ Սարգիս Կասյանը:

Հուլիսի 20-ից մայրաքաղաքային տրանսպորտի ուղեվարձը կթանկանա, այսօր մամլո ասուլիսի ժամանակ հայտարարել է Երևանի քաղաքապետարանի Տրանսպորտի վարչություն պետ Հենրիկ Նավասարդյանը: