Ադրբեջան կոչվող հարևան երկրի ցմահ նախագահ Իլհամ Ալիևը
կրկին սուր է ճոճել: Ինչպես հաղորդում են ադրբեջանական ԶԼՄ-ները, «Հեյդար» մզկիթի
բացմանն Ալիևը, մասնավորապես, իր ցեղակիցների անունից ցանկություն է հայտնել
ապրելու Լեռնային Ղարաբաղում և այլ «պատմական հողերում` նկատի ունենալով Հայաստանի
տարածքը:
«Կգա օրը, երբ ադրբեջանցիները կապրեն իրենց պատմական
հողերում` Իրևանի խանությունում, Գյուչայում և Զանգեզուրում», - սպառնացել է «լույսերի
երկրի» առաջնորդը, հաղորդում է «Ինտերֆաքս-Ադրբեջանը»:
Ալիևը
կարծում է, որ երկիրը հզոր տնտեսություն
ունի, իսկ Բաքվի միջազգային դիրիքերն իբր թույլ կտան հասնել իրենց նպատակներին, թե
ինչպես` ցմահ նախագահն, ըստ երևույթին, դժվարացել է պարզաբանել: