Արդեն մեկ ամիս է, ինչ ԱՄՆ-ից ուղարկվող փոստային ծանրոցները Հայաստան չեն հասնում: Այդ մասին ԱրմԻնֆո-ի թղթակցին հաղորդել են «Հայփոստ» ՓԲԸ-ում: Ընդ որում` մեկամսյա ուշացումների պատճառն ընկերությունում չեն կարող բացատրել:

 Բրիտանական «Orogen Gold» ընկերությունը Լոնդոնի Ֆոնդային բորսայում իր բաժնետոմսերը տեղաբաշխելու միջոցով ներգրավել է 1.125 մլն.ֆունտ ստեռլինգ, ասված է ընկերության սեպտեմբերի 16-ի հաղորդագրության մեջ: Ընկերությունը տեղաբաշխել է 1022727272 սովորական բաժնետոմս, յուրաքանչյուրը 0.11 ֆունտ արժեքով: Միջոցները նախատեսվում է օգտագործել Սյունիքի մարզի Մուծկ ոսկու հանքավայրի հորատման հետագա աշխատանքների համար:

Նախօրեին AirFrance-ը տեղեկացրել է իր հաճախորդներին չվերթը չեղյալ հայտարարելու մասին: ԱրմԻնֆո-ի տվյալներով, ավիաընկերության վաղվա չվերթը նույնպես չեղյալ է հայտարարվելու:

Հայաստանի ԱԳՆ-ում տեղի են ունեցել հայ–լեհական քաղաքական խորհրդատվություններ: Ինչպես ԱրմԻնֆո գործակալությանը հաղորդեցին ՀՀ ԱԳՆ մամուլի, տեղեկատվության և հասարակայնության հետ կապի վարչությունից, Հայաստանի պատվիրակությունը գլխավորում էր ԱԳ նախարարի տեղակալ Կարեն Նազարյանը, իսկ Լեհաստանինը` Լեհաստանի փոխարտգործնախարար Թոմաշ Օրլովսկին: Հանիպման ընթացքում քննարկվել են հայ-լեհական հարաբերությունների զարգացմանն առնչվող հարցերի լայն շրջանակ, ներառյալ քաղաքական երկխոսության խորացումը և տնտեսական հարաբերությունների ակտիվացմանն ուղղված քայլերը: Ի թիվս այլ հարցերի, կողմերը քննարկել են հայ-լեհական համագործակցությունը ինչպես Եվրոպական միության, այնպես էլ այլ բազմակողմ հարթակներում: Անդրադարձ է կատարվել երկու երկրների միջև դինամիկ զարգացող մշակութային գործընկերությանը:

“Ռոստելեկոմը” տեղեկացնում է, որ սեպտեմբերի 16-ին տեղի ունեցավ ընկերության Գլխավոր վաճառքի և սպասարկման սրահի պաշտոնական բացման արարողությունը Երևանի կենտրոնում՝ Նալբանդյան 28, թիվ 1 (Հանրապետության Հրապարակ) հասցեով:Երևանի կենտրոնում՝ Հանրապետության Հրապարակում, բացված վաճառքի և սպասարկման սրահն իր ձևավորմամբ ու հարդարմամբ լիովին համապատասխանում է Ռոստելեկոմ ապրանքանիշի միջազգային չափորոշիչներին: Այն նախատեսված է նաև կորպորատիվ հաճախորդների սպասարկման համար: 

 ՙԲարգավաճ Հայաստան՚ կուսակցությունն արդեն երկար ժամանակ, ըստ էության, պայքարում է Սերժ Սարգսյանի վարչակարգի դեմ, ԲՀԿ-ն կանգնած է քաղաքացիների և Սերժ Սարգսյանին ընդդիմադիր քաղաքական ուժերի կողքին: Այդ մասին լրագրողների հետ զրույցում հայտարարել է ՀԱԿ մամուլի քարտուղար Արման Մուսինյանը: ՀԱԿ անդամն այդ մասին հայտարարել է`ի պատասխան այն հարցին, թե ինչու, ՀԱԿ-ի հետ միասին գտնվելով ոչ իշխանական քառյակի կազմում, ԲՀԿ-ն չի բարձրացնում նախագահի հրաժարականի հարցը:

Ժառանգություն՚ կուսակցությունը հանդես է  գալիս կառավարման խորհրդարանական  համակարգի օգտին, բայց, չի կարծում, որ այդ խնդիրը հարկավոր է լուծել հենց հիմա, սահմանադրական բարեփոխումների հայեցակարգի նախագծի քննարկումների ժամանակ այդպիսի կարծիք է հայտնել ՙԺառանգություն՚ խորհրդարանական խմբակցության ղեկավար Ռուբեն Հակոբյանը:

 Ստեղծվել է հակառակորդի դիվերսիաների դեմ պայքարի համակարգ Հայաստանում և Արցախում, սեպտեմբերի 16-ին Երևանի պետական համալսարանի պրոֆեսորադասախոսական կազմի ներկայացուցիչների և ուսանողների հետ հանդիպման ժամանակ հայտնել  ՀՀ պաշտպանության նախարար Սեյրան Օհանյանը հանդիպել է ՙՀայաստանը տարիներ առաջ կարողացավ պատվով հանձնել իրեն առաջադրված քննությունը` ԼՂ-ում հաղթանակով դուրս գալով պարտադրված պատերազմից: Այն հաղթանակները, որոնք մենք տարել ենք Արցախյան գոյամարտի ժամանակ, անկասկած, այսօր բազմապատկում ենք, որի վառ ապացույցներից մեկը հուլիս-օգոստոսյան վերջին դեպքերն էին՚,- ասել է Սեյրան Օհանյանը:Պաշտպանական գերատեսչության ղեկավարը հավաստիացրել է, որ հայկական զինուժը լուրջ ուշադրություն է դարձնում սահմանների պաշտպանության խնդրին, ստեղծվել է համապատասխան պաշտպանական միջավայր և հակառակորդի դիվերսիաների դեմ պայքարի համակարգ ու Հայաստանում և Արցախում:

Սահմանադրական ռեֆորմները Սերժ Սարգսյանի հերթական բլեֆն է, ով ցանկացած գնով ձգտում է 2018 թվականից հետո էլ մնալ իշխանությունում` երբ կավարտվի նախագահության երկրորդ ժամկետը: Այս մասին այսօր հայտարարել է ՀՀ ԱԺ ՀԱԿ խմբակցության ղեկավար Լևոնբ Զուրաբյանը, սահմանադրական բարեփոխումների հայեցակարգի քննարկման ընթացքում:

 Տարածաշրջանի ամենախաշոր`2.65 մետրանոցց ռեֆլեկտորային աստղադիտակը, որը գտնվում է Բյուրականի աստղադիտարանում, կարելի է կառավարել աշխարհի ցանկացած կետից:

 ՀՀ նախագահ Սերժ Սարգսյանը խոստացել է երկու օրվա ընթացքում քննարկել «Տոնուս»-ից խաբված քաղաքացիների դիմումները:

DigiCamp ամառային տեխնոլոգիական ճամբարի մասնակիցներն այսօր այցելեցին Beeline Կապի թանգարան և Beeline համալսարան: Ընկերությունը երիտասարդ ձեռներեցների համար կազմակերպեց բիզնես-դասընթաց ՙԱշխատանք  մեծ ընկերությունում Beeline-ի օրինակով՚ թեմայով: Ամառային ճամբարի մասնակիցները Beeline Կապի թանգարանում ծանոթացան Հայաստանում կապի զարգացման պատմությանը, մեր երկրում ներդրված կապի ժամանակակից տեխնոլոգիաներին,  ինչպես նաև հայ կապավորների կյանքի հետաքրքիր էջերին: 

Սեպտեմբերի 16-ին Ազգային ժողովում անցկացվել է Սեւծովյան տնտեսական համագործակցության խորհրդարանական վեհաժողովի մշակույթի, կրթության եւ սոցիալական հարցերի հանձնաժողովի 43-րդ նիստը: Հանձնաժողովում Հայաստանը ներկայացնում է ԱԺ պատգամավոր Արամ Մանուկյանը: 

 Հայաստանը կարևորում է մշակութային ժառանգության պահպանությունը Սեւծովյան տարածաշրջանում, Սեւծովյան տնտեսական համագործակցության խորհրդարանական վեհաժողովի մշակույթի, կրթության և սոցիալական հարցերի հանձնաժողովի 43-րդ նիստի ժամանակ հայտարարել է ՀՀ ԱԺ փոխնախագահ Էդուարդ Շարմազանովը: Այս առումով նա ողբերգական է անվանել հայկական պատմամշակութային ժառանգության ոչնչացման բազմաթիվ փաստերն Ադրբեջանում և Թուրքիայում: Որպես հայկական մշակութային ժառանգության ոչնչացման օրինակ`նա նշել է Ջուղայի հայկական գերեզմանատան ոչնչացման փաստը:

Եկել է ղարաբաղյան բանակցություններն այլ մակարդակով շարունակելու ժամանակը, հայտարարել է ԵԱՀԿ Մինսկի խմբի ամերիկացի համանախագահ Ջեյմս Ուորլիքը` Երևանում կայացած մամուլի ասուլիսում: Նա հաղորդել է, որ Հայաստանի նախագահ Սերժ Սարգսյանի և արտգործնախարար Էդվարդ Նալբանդյանի հետ կայանալիք հանդիպումների ժամանակ կշարունակի Ուելսում ԱՄՆ պետքարտուղար Քերիի սկսած քննարկումները:

 Հայաստանը շահագրգռված է փոխգործակցության խորացմամբ Սևծովյան տնտեսական համագործակցության շրջանակում, հայտարարել է ԱԺ փոխնախագահ Էդուարդ Շարմազանովը Սեւծովյան տնտեսական համագործակցության խորհրդարանական վեհաժողովի մշակույթի, կրթության եւ սոցիալական հարցերի հանձնաժողովի 43-րդ արտագնա նիստում իր բացման խոսքում:

 Պեղումներն Արտաշատում, որտեղ  գտնվել է պատմական Հայաստանի մայրաքաղաքը, կրկին նշանավորվել են հետաքրքիր հայտնագործությամբ:

Հայաստանի խորհրդարանի պետաիրավական հարցերի հանձնաժողովի ղեկավար Հովհաննես Սահակյանն իր գլխավորած հանձնաժողովի արտագնա նիստի շրջանակում Լեռնային Ղարաբաղ կտանի նաև գիշերային տեսանելիության սարքեր, որոնք ղարաբաղցի սահմանապահներին խոստացել էր դեռ ղարաբաղա-ադրբեջանական զինված ուժերի շփման գծի առաջապահ դիրքեր նախորդ այցի ժամանակ:

Մարդու իրավունքների եվրոպական դատարանը (ՄԻԵԴ) խնդրել է Ադրբեջանի կառավարությանը ներկայացնել այդ երկրի պաշտոնական դիրքորոշումը՝ օգոստոսի 7-ին գերեվարված և մեկ օր անց ադրբեջանական գերության մեջ կասկածելի հանգամանքներում մահացած Տավուշի մարզի Չինարի գյուղի բնակիչ Կարեն Պետրոսյանի դին վերադարձնելու առնչությամբ։

 Բասկերի երկրի խորհրդարանի բանաձևը Լեռնային Ղարաբաղի պետականության ճանաչման լոբբիստական գծի տրամաբանական շարունակությունն է: ԱրմԻնֆո-ին այդպիսի կարծիք է հայտնել Ռուսաստանի հումանիտար համալսարանի դոցենտ, հայտնի վերլուծաբան Սերգեյ Մարկեդոնովը: