Հայաստանի նախագահ Սերժ Սարգսյանը հոկտեմբերի 22-ին աշխատանքային այցով մեկնել է Կոտայքի մարզ:

 ՙՀարավկովկասյան երկաթուղի՚ ՓԲԸ գլխավոր տնօրեն Վիկտոր Ռեբեցն աշնանային զննման արդյունքներն է ամփոփել հոկտեմբերի 22-ին կայացած խորհրդակցության ժամանակ:

 ՄԱԿ գլխավոր քարտուղարի տեղակալ, ՄԱԿ Վիեննայի գրասենյակի տնօրեն, ՄԱԿ թմրանյութերի թրաֆիկի և հանցավորության դեմ պայքարի գրասենյակի գործադիր տնօրեն Յուրի Ֆեդոտովը նախօրեին այցելել է Ծիծեռնակաբերդ՝  Մեծ եղեռնի զոհերի հուշահամալիր և Հայոց ցեղասպանության թանգարան-ինստիտուտ:

Եվրամիությունը պետք է վերանայի Հայաստանին առնչվող ավելի վաղ ընդունած ծրագրերը, կարծում է Հայաստանում ԵՄ պատվիրակության ղեկավար Տրայան Հրիստեան:

 Միասնական եւ բարձր մոտիվացիայով խաղալու դեպքում Հայաստանի ֆուտբոլի ազգային հավաքականն ի զորու է հաղթել ցանկացած մրցակցի: Այդպիսի կարծիք է հայտնել Հայաստանի ազգային հավաքականի գլխավոր մարզիչ Վարդան Մինասյանը ՀՖՖ պաշտոնական կայքում զետեղված հարցազրույցում:

 Ավտովթարի հետևանքով զոհվել է թատրոնի և կինոյի հայտնի դերասան Երվանդ Ենգիբարյանը: Ինչպես ԱրմԻնֆո գործակալությանը հաղորդել են ԱԻՆ մամուլի ծառայությունից, ողբերգությունը տեղի է ունեցել հոկտեմբերի 21-ի` լույս 22-ի գիշերը, ժամը 05:00-ի սահմաններում` Երեւանի Մյասնիկյան պողոտայում:

Ռուբիկ Հակոբյանը չի ցանկանում խոսել ՙԺառանգություն՚ կուսակցության խորհրդարանական խմբակցության ղեկավարի պաշտոնից իր հեռանալու պատճառների մասին: Այդ մասին նա հայտարարել է այսօր լրագրողների հետ զրույցում:

Մաքսային միությանն անդամակցելու Հայաստանի որոշումը սպառնում է նրա կայունությանը: Հոկտեմբերի 22-ին մամուլի ասուլիսում այդպիսի կարծիք է հայտնել Տարածաշրջանային հետազոտությունների կենտրոնի ղեկավար Ռիչարդ Կիրակոսյանը:

 Հայաստանի ազգային հավաքականի ֆուտբոլիստները նամակով դիմել են Վարդան Մինասյանին՝ խնդրելով վերանայել իր որոշումը, վերադառնալ եւ շարունակել գլխավորել ազգային հավաքականը, տեղեկացնում է Հայաստանի ֆուտբոլի ֆեդերացիայի պաշտոնական կայքը: 

Հոկտեմբերի 22-ի առավոտյան մահացել է ճանաչված լրագրող Գենոֆիա Մարտիրոսյանը:

 Ռուսաստանի իշխանությունների տրամադրած տեղեկատվության համաձայն, Վոլգոգրադում ահաբեկչությունից տուժածների թվում ՀՀ քաղաքացիներ չկան: ՙԹվիթերի՚ իր էջում այդ մասին հաղորդել է Հայաստանի ԱԳՆ մամուլի քարտուղար Տիգրան Բալայանը:

Հոկտեմբերի 21-ին Վոլգոգրադում երթուղային ավտոբոսում տեղի ունեցած պայթյունի հետևանքով արդեն 6 մարդ է զոհվել, տուժել է ավելի քան 30 մարդ: Ահաբեկչական գործողության համար կասկածվում է Դաղստանի 30-ամյա բնակչուհի Նաիդա Ասիյալովային:

Ֆուտբոլի Հայաստանի հավաքականի գլխավոր մարզիչ Վարդան Մինասյանը լքում է ի պաշտոնը: Այս մասին է հաղորդում ՀՖՖ պաշտոնական կայքը:

 ՌԵՍՈ ապահովագրական ընկերությունն ապահովագրել է ՙԱրմենիա՚ հանրապետական բժշկական կենտրոնի ողջ անձնակազմի առողջությունը: Այս մասին ԱրմԻնֆո գործակալությանը տեղեկացվել ընկերության մարկետինգի ծառայությունից: Աղբյուրի համաձայն, համագործակցությունն ապահովագրական ընկերության և բժշկական կենտրոնի միջև աննախադեպ իրադարձություն է Հայաստանի ապահովագրական շուկայում:

 ՀՀ ԱԳՆ-ը դեռևս տեղեկատվության չի տիրապետում, թե արդյոք Վոլգոգրադում ահաբեկչության հետևանքով զոհվածների և տուժածների թվում Հայաստանի քաղաքացիներ կան: Այդ մասին ԱրմԻնֆո-ի թղթակցին հաղորդել է ՀՀ ԱԳՆ մամուլի քարտուղար Տիգրան Բալայանը:

 ՀԱՊԿ Արագ արձագանքման հավաքական ուժերը մոտ ժամանակներս կհամալրվեն ռուսական ժամանակակից սպառազինությամբ: Այս մասին այսօր կայացած տեսաասուլիսի ժամանակ հայտարարել է ՀԱՊԿ գլխավոր քարտուղար Նիկոլայ Բորդյուժան: Նրա խոսքով, արդեն կա սպառազինությունների հաստատված անվանացուցակը, և մնում է ճշտել Կազմակերպության անդամ երկրներին սպառազինության և ռազմական տեխնիկայի մատակարարումների ժամկետները:

Բելառուսի նախագահ Ալեքսանդր Լուկաշենկոն չի բացառել Մաքսային միությունում, ինչպես նաև նոր ձևավորվող Միասնական տնտեսական միությունում, այսպես կոչված, չճանաչված կամ մասնակիորեն ճանաչված պետական կազմավորումներին հատուկ կարգավիճակ տալու հնարավորությունը: Այս մասին, պատասխանելով ԱրմԻնֆո գործակալության թղթակցի հարցին, նա հայտարարել է հոկտեմբերի 21-ին, ԱՊՀ անդամ-երկրների ԶԼՄ-ների ներկայացուցիչների հետ հանդիպմանը:

ՀՀ խորհրդարանում քննարկել են ռուս սահմանապահների իրավասության հարցը, մասնավորապես`հայ խորհրդարանականները քննարկել են Սյունիքի մարզում ՙԺառանգություն՚ խմբակցության պատգամավոր Զարուհի Փոստանջյանի տեղաշարժին խոչընդոտելու իրավական հիմունքները:

 ՎՏԲ-Հայաստան Բանկի Unistream համակարգով փոխանցումները նոր հնարավորություններ են ընձեռում: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, այժմ ՎՏԲ-Հայաստան Բանկն իրականացնում է փոխանցումներ Unistream համակարգով դեպի Ալբանիա, Բուլղարիա, Վիետնամ, Լիտվա, Մոնղոլիա, Չեխիա, Մեծ Բրիտանիա և Իսրայել անհասցե ուղղություններով. հասցեատերը կարող է ստանալ փոխանցումը նշված երկրների ցանկացած տրամադրման կետում երեք արժույթով` ՌԴ ռուբլով, ԱՄն դոլլարով ու Եվրոյով:

Հոկտեմբերի 18-ին «Արմենիա Մարիոթե հյուրանոցի ՙՏիգրան Մեծ՚ սրահում կայացել է ՙՕրրանի՚ 8-րդ ամենամյա բարեգործական ընթրիքը: Միջոցառման նպատակը հանրության ուշադրությունը սոցիալական ծանր կացության մեջ հայտնված ընտանիքների խնդիրների վրա կենտրոնացնելն ու դրամական նոր միջոցներ հայթայթել էր:

 ՙԱրմենՏել՚ ընկերությունը (ապրանքանիշը Beeline) հայտարարում  է Արարատի մարզի Ուրցաձոր գյուղի ֆիքսված հեռախոսային ցանցի ենթակառուցվածքների թվայնացման աշխատանքների մեկնարկի մասին: Թվայնացման աշխատանքների ավարտին, որը նախատեսվում է մինչև ս.թ. նոյեմբերի 15-ը,  Ուրցաձոր գյուղի բնակիչներին հասանելի կլինեն թվային ֆիքսված կապի և ADSL2+ տեխնոլոգիաներով մինչև 10 Մբ/վ արագությամբ լայնաշերտ ինտերնետի բարձրորակ ծառայությունները: