Տիգրան Սարգսյանը կշարունակի աշխատել ՀՀ վարչապետի պաշտոնում: Այս մասին որոշում ընդունվել է Հայաստանի Հանրապետական կուսակցության գործադիր մարմնի նիստում, որը վարում էր ՀՀ նախագահ Սերժ Սարգսյանը:

Հիշեցնենք, որ ՀՀ կառավարությունը հարաժարական էր տվել ապրիլի 9-ին: ՀՀ Սահմանադրության համաձայն ՀՀ Նախագահը երդմնակալության արարողությունից հետո պարտավոր է 10-օրյա ժամկետում նշանակել նոր վարչապետին, ինչպես նաև 20-օրյա ժամկետում՝ ձևավորել նոր կառավարության կազմը:

 ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 415.5 դրամ, ԵՎՐՈ-ի առքի առավելագույն գինը`542 դրամ, իսկ ռուսական ռուբլու առքի գինը`13.2 դրամ: ԱՄՆ դոլարի վաճառքի նվազագույն գինը կազմել է 416.7 դրամ, ԵՎՐՈ-ի վաճառքի գինը` 545.5 դրամ, իսկ ռուսական ռուբլու վաճառքի գինը`13.2 դրամ:

 Իրանի պատգամավորների խումբը պատրաստել է մի օրինագիծ, որն Իրանի Իսլամական Հանրապետությանն իրավունք կտա պահանջել, որպեսզի ադրբեջանական բոլոր հողերը միացվեն Իրանին: Այսինքն, առաջարկվում է անեքսիայի ենթարկել Ադրբեջանը: Այս մասին հաղորդել է ՙԳոլոս Ռոսսիի՚ ռադիոկայանը:

Աղբյուրի համաձայն, օրինագծի քննարկումը, որով դադարեցվում է Ռուսաստանի և Իրանի միջև 1813 թվականի Գյուլիստանի և 1829 թվականի Թուրքմենչայի պայմանագրերի գործողությունը, առաջին հերթին, հանդիսանում է քաղաքական և պրոպագանդիստական ակտ: Այն չունի իրական հեռանկարներ, սակայն ծառայում է որպես Թեհրանի և Բաքվի միջև հարաբերությունների լարվածության ակնհայտ օրինակ: Պատականորեն այնպես է ստացվել, որ, համաձայն վերոնշյալ պայմանագրերի, ադրբեջանցիները կիսվեցին երկու տերությունների միջև: Սակայն, այսօր նրանց բաժանում են ոչ միայն սահմանները, այլ նաև այդ երկու երկրներում գոյություն ունեցող հասարակական և քաղաքական կառուցվածքները: Չեն համընկնում նաև Թեհրանի և Բաքվի իշխող վերնախավերի տեսակետները պետական և ազգային շահերին վերաբերվող առաջնահերթ հարցերում: Անկախ Ադրբեջանի գոյության ընթացքում հարևանների միջև պետական մակարդակով կուտակվել են բազմաթիվ պրոբլեմներ:

Ռուսաստանի հասարակա-քաղաքական հետազոտությունների Կենտրոնի ղեկավար Վլադիմիր Եվսեևը նշում է, որ. ՙԻրանը դժգոհ է ադրբեջանական պետության աշխարհիկ բնույթից, հյուսիսային հարևաների սեկուլյիրազցիայից ու եվրոպականացումից: Թեհրանին վրդովեցնում է նաև Բաքվի սերտ հարաբերություններն Իսրայելի, ԱՄՆ-ի և ՆԱՏՕ-ի հետ՚: Բաքուն էլ իր հերթին է մտահոգված է իրանական քարոզիչների ակտիվացումից, որոնք կրոնական պրոպագանդա են իրականացնում Ադրբեջանի Հանրապետության բնակչության մեջ: Բաքուն դժգոհ է նաև Իրանի կողմից ղարաբաղյան հակամարտության հարցում Հայաստանին ցուցաբերած աջակցությունից: Խորն են ադրբեջանա-իրանական հակասությունները նաև Կասպից ծովի կարգավիճակի հարցում, կապված կասպիական ածխաջրածնային ռեսուրսների օգտագործման հետ:

Այս բարդագույն փոխհարաբերությունների շրջանակներում թե Բաքվում, և թե Թեհրանում տաք գլուխները ժամանակ առ ժամանակ բարձրացնում են ադրբեջանական երկու երկրների միավորման պրովոկացիոն հարցը, ընդ որում, սեփական հանրապետության դրոշի ներքո:

Առաջին անգամն է, որ հակամարտող կողմերից մեկը հայտարարում է 19-րդ դարի պայմանագիրը չեղյալ հայտարարելու մասին: Չնայած մեծ տարիք ունեցող այդ փաստաթղթերին, այնուամենայնիվ, դրանք լիգիտիմացնում են ստեղծված սահմանները, տարածաշրջանում ապահովելով կայունության որոշակի պաշար: Իսկ երբ մեջլիսի պատգամավոր Ալաէդդին Բորուջերդին հայտարարում է, որ ՙԱդրբեջանը պետք է միավորվի պատմական հայրենիքն` Իրանին՚, կամ Իրանի հոգևոր առաջնորդ Հոմեյին Շարիաթմադարիի ներկայացուցիչն ասում է, որ լավագույն լուծումը կլինի, եթե Ադրբեջանի տարածքում այս հարցով հանրաքվե իրականացվի, ապա, հաստատ, չի նպաստում կայունության ամրապնդմանը տարածաշրջանում: Իրանի խորհրդարանի մյուս պատգամավորը` Մանսուր Խակիկապտուրն, արդեն սկսել է ձևավորել ՙԿովկասի ժողովուրդների 17 քաղաքները՚ շարժումը, որի խնդիրն է Իրանի վերահսկողության վերականգնումն Ադրբեջանի նկատմամբ: Խորհրդարանականը չի բացառում, որ ՙՇարժման՚ պլաններն իրականացնելու համար անհրաժեշտ է լոկալ պատերազմ:

Իսլամական հանրապետության ոչ բոլոր քաղաքական գործիչներն են կիսում այս հայացքները: Մեջլիսի նախկին պատգամավոր Հեշմաթոլլահ Ֆալլահաթփիշեն, Գյուլիստանի և Թուրքմենչայի պայմանագրերի նկատմամբ իր բացասական վերաբերմունքով հանդերձ, թեհրանյան ՙԱրման՚ թերթում 2013 թվականի ապրիլի 11-ին նշել է, որ անհրաժեշտ է հաշվի առնելո ստեղծված աշխարհաքաղաքական իրավիճակը և գործել ավելի կշռադատված ու հանգիստ ձևով: Հոդվածի հեղինակը նշում է, որ Իրանի և Ադրբեջանի միջև հարաբերությունների սրումը ձեռնտու չէ ոչ Թեհրանին, ոչ էլ Բաքվին: Դա իրոք այդպես է: Թե համաշխարհային, և թե տարածաշրջանային քաղաքականության մեջ վերջին տասնամյակների ընթացքում տեղի են ունենում կործանարար կատակլիզմներ, ընդ որում, զարմանալի հաճախականությամբ: Աշխարհի երեսից վերանում են բազմաթիվ իշխող ռեժիմներ, իսկ նրանց հետ միասին` նաև պետություններ: Պայմանագրերն ու համաձայնագրերը վերածվում են ոչինչ չներկայացնող թղթակույտերի, իսկ հաճախ դրանց պատճառով զոհվում են տասնյակ մարդիկ: Իսկ նման աշխարհաքաղաքական տեղաշարժերի էպիկենտրոնները գրանցվում են նաև այս տարածաշրջանի տարբեր հատվածներում:

 2013 թվականի առաջին եռամսյակում «Հարավկովկասյան երկաթուղիե ՓԲԸ-ն փոխադրել է 648,6 հազ. տոննա բեռ, ինչը 6,1%-ով գերազանցում է անցյալ տարվա նույն ժամանակահատվածի ցուցանիշը:
 
Ինչպես ԱրմԻնֆո գործակալությանը տեղեկացվել է Ընկերության մամուլի ծառայությունից, արտահամնան հաղորդակցությունում ՀԿԵ-ի բեռնափոխադրումների ծավալը 2013 թվականի հաշվետու ժամանակահատվածում կազմել է 95,3 հազար տոննա` 1,8%-ով նվազելով անցյալ տարվա ցուցանիշի համեմատ: 

Ներմուծման հաղորդակցությունում փոխադրվել է 229,0 հազար տոննա բեռ՝ 1,7%-ով նվազելով 2012 թվականի հունվար-մարտի հետ համեմատ: 
Իսկ տեղական հաղորդակցությունում բեռնափոխադրումների ծավալը կազմել է 324,3 հազար տոննա՝ գերազանցելով անցյալ տարվա շեմը 15,3%-ով:
12,7%-ով աճել է նաև միջին օրեկան բեռնումը երկաթուղում: Իր հերթին միջին օրեկան բեռնաթափման ցուցանիշը աճել է 7%-ով:

Այսպիսով, ընկերությունում շարունակվում է գործունեության հիմնական ցուցանիշների՝ այդ թվում նաև բեռնափոխադրումների ծավալների աճը: Նման արդյունքներին հնարավոր եղավ հասնել շարժակազմի ծառայությունների որակի բարձրացման, փոխադրումների ժամկետների կրճատման և սակագնային առաջարկների ձևավորման ուղղություններով տարվող ՀԿԵ-ի միջոցառումների շնորհիվ: Երկաթուղային ենթակառուցվածքի հուսալիության մակարդակի բարձրացումը թույլ տվեց կրճատել փոխադրումների ժամկետները, բարձրացնել բեռնափոխադրումների հուսալիությունը, կրճատել բեռի վնասման և կորստի ռիսկերը:

Նշենք, որ ՙՀԿԵ՚ ՓԲԸ-ն հանդիսանում է «Ռուսական երկաթուղիներե ԲԲԸ-ի 100% դուստր ընկերություն և իրականացնում է ՙՀայկական երկաթուղիներ՚ ՓԲԸ-ի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի, կողմերի փոխադարձ համաձայնությամբ ևս 10 տարի երկարացման իրավունքով:

Բյուրական գյուղի բնակիչները դեմ են հանդես եկել Արագածոտնի մարզի Ամբերդ գետի վրա, որը գտնվում է Օրգովի կիրճում, նոր ՀԷԿ-ի կառուցմանը: Մոտ 150 բնակիչներ հավաքվել են շինհրապարակում, արտահայտելով իրենց դժգոհությունը:

Իրանում երկրաշարժը զգացվել է նաև Հայաստանի տարածքում

ՌԴ Հանրային պալատը մտադիր է ուղղումներ կատարել Հոլոքոսթի ժխտման քրեականացման վերաբերյալ օրինագծում և Հայոց ցեղասպանության մասին կետ ներառել: Այդ մասին ապրիլի 18-ի Երևան–Մոսկվա տեսակամուրջի ժամանակ հաղորդել է ՌԴ հանրային պալատի անդամ, ՙՀանուն արդարադատության թափանցիկության՚ հասարակական կոմիտեի նախագահ Դենիս Դվորնիկովը£

Իր այսօր կայացած նիստում ՀՀ կառավարությունը հաստատել է տեղեկատվական տեխնոլոգիաների ոլորտի խթանման ծառայությունների 2013 թ. ծրագիրը և միջոցառումների ցանկը: Նախագիծը ներկայացրել է ՀՀ էկոնոմիկայի նախարար Տիգրան Դավթյանը:

Կառավարության համաձայնությունն են ստացել Հայաստանի Հանրապետության և Բահրեյնի Թագավորության կառավարությունների միջև ներդրումների խրախուսման և փոխադարձ պաշտպանության, ինչպես նաև մաքսային գործերում համագործակցության և փոխադարձ օգնության համաձայնագրերի կնքման առաջարկությունները£

Հայաստանում չիր արտադրողներին կարող են ընձեռվել տարեկան 10%-ով վարկեր ստանալու հնարավորություն, 5 մլն.դրամի սահմաններում (մոտ $ 12 հազ.):

Մայիսի 1-5-ը Երևանում կանցկացվի ՙՀայացք՚ երիտասարդական կինոփառատոնը£ Այն կազմակերպել են Հայաստանի երիտասարդական հիմնադրամը, Հայաստանի երիտասարդության ազգային խորհուրդը և Հայաստանի կինեմատոգրաֆիստների միությունը£ 

Ապրիլի 19-ին Հայաստանում Ֆրանսիայի դեսպանատանը տեղի կունենա ֆրանկոֆոն երգի հայազգի հեղինակ-կատարողներ Եվա Բերբերյանի, Րաֆֆի Բարսամյանի և Ալեքսիս HK-ի (իսկական անունը` Ալեքսիս Ջոշկունյան) մամլո ասուսիլը, ովքեր նույն օրը` ժամը 20.30-ին, MEZZO ակումբում հանդես կգան համերգովª  ֆրանկոֆոնիայի միամսյակի կապակցությամբ կազմակերպված ՙՖրանկոֆոն երգի նոր տաղանդները սփյուռքում՚ փառատոնի շրջանակներում :

Վրաստանի նախագահ Միխայիլ Սահակաշվիլին հայտարարել է, թե մտադիր է շարունակել քաղաքական գործունեությունն այն բանից հետո, երբ առաջիկա աշնանն ավարտվի իր երկրորդ նախագահության ժամկետը:

Նախագահական ընտրությունները Վրաստանում կկայանան հոկտեմբերին: Առայժմ հայտնի է Վրաստանի նախագահի պաշտոնի ընդամենը մեկ թեկնածու` Լեյբորիստական կուսակցության առաջնորդ Շալվա Նաթելաշվիլին: ՙԵս իրավաբան եմ, սակայն մտադիր չեմ վերադառնալ այդ մասնագիտությանը և վերստին կպայքարեմ իմ երկրի ազատության և անկախության համար՚, - հայտարարել է Սահակաշվիլին նախօրեին ՙՌուսթավի-2՚ հեռուստաալիքի եթերից: Նա հայտարարել է, որ ցանկանում է դառնալ ապագա նախագահի խորհրդական, ամեն դեպքում, մտադիր է ակտիվ քաղաքական կյանք վարել:

Հիշեցնենք, որ Վրաստանի սահմանադրության նոր մոդելի համաձայն, առաջիկա աշնանը նոր նախագահի երդմնակալությունից հետո նրա լիազորությունները կկրճատվեն և կվերաբաշխվեն խորհրդարանի և կառավարության միջև:

 Նախագահ Սերժ Սարգսյանը հրամանագիր է ստորագրել Արմեն Արզումանյանին Հայաuտանի Հանրապետության նխագահի մամուլի քարտուղարի պաշտոնից ազատելու մասին: Ինչպես ԱրմԻնֆո գործակալությանը հաղորդեցին նախագահի մամլո գրասենյակից, հանրապետության ղեկավարի այլ հրամանագրով Հայաuտանի Հանրապետության նախագահի մամուլի քարտուղար է նշանակվել Արման Սաղաթելյանը:

Արման Սաղաթելյանը ծնվել է 1975թ. օգոստոսի 26-ին: 1992թ. ավարտել է Երևանի Պուշկինի անվան թիվ 8 միջնակարգ դպրոցը: 1992-1997թթ. սովորել է Հայկական գյուղատնտեսական ակադեմիայում: 1997թ. ընդունվել է ԳԱԱ ասպիրանտուրայի ցերեկային բաժին, որն ավարտել է 2000 թվականին: 1997-1999թթ. ժամկետային զինծառայություն է անցել ՀՀ ՊՆ լրատվության և քարոզչության վարչությունում: 2000-2010թթ. աշխատել է ՀՀ ՊՆ համակարգում՝ որպես քարոզչության և հասարակայնության հետ կապերի քաղաքացիական մասնագետ, ՀՀ ՊՆ ՙԶինուժ՚ հաղորդաշարի հաղորդավար: 2003-2004թթ. աշխատել է ՙՀայաստան՚ համահայկական հիմնադրամում՝ որպես հասարակայնության հետ կապերի գծով խորհրդական, այնուհետ՝ հասարակայնության հետ կապերի վարչության ղեկավար: 2001 թվականից դասավանդում է Հայ-ռուսական (սլավոնական) համալսարանում: 2011 թվականից ԵՊԼՀ Տեղեկատվության և հանրային հաղորդակցման տեխնոլոգիաների գիտաուսումնական կենտրոնիե (ամբիոնի) ղեկավարն է: 2011-2013 թթ. ՙԱրմՌադիո FM 107՚ե ռադիոկայանի տնօրենն է: Քաղաքական գիտությունների թեկնածու է (Պետությունների տեղեկատվական հակամարտության արդի համակարգերը. միջազգային փորձ և տարածաշրջանային ասպեկտներ): Մեկ տասնյակից ավել գիտական հոդվածների և ուսումնական ծրագրերի հեղինակ: Պարգևատրվել է ՙ1992-1994թթ. մարտական գործողությունների մասնակից՚ կրծքանշանով, ՙԳարեգին Նժդեհ՚ մեդալով:

 ՙՄենք հույս ունենք, որ Երևանի ավագանու խորհրդի առաջիկա ընտրություններում  իշխող կուսակցությունը և բոլոր կուսակցությունները կխուսափեն ընտրակաշառքներից և վարչական ռեսուրսների չարաշահումից՚, - հայտարարել է Հայաստանում ԱՄՆ դեսպան Ջոն Հեֆերնը 168.am-ի հետ զրույցում:

ԱՄՆ դիվանագետի համոզմամբ, ամենակարևորն ազատ և արդար մրցակցության ապահովումն է: ՙՑանկացած ընտրություններում և հասուն ժողովրդավարության մեջ ամենակարևորն իրական մրցակցություն ունենալն է, որպեսզի ունենաս ակտիվ և հավատարիմ ընդդիմություն, որը պայքարում է քվեների և աջակցության համար, և իշխող կուսակցությունը, որը անջատ է ադմինիստրացիայից: Դուք գիտեք, որ իշխանությունը և կառավարությունը նույնական չեն, դրանք տարբեր բաներ են, նրանք միասին չպիտի լինեն, նրանք անջատ են, և կարևոր է, որ ազատ և արդար ընտրություն լինի՝ ընդդիմության և իշխող կուսակցության միջև ուժեղ պայքարով՚, - ընդգծել է դեսպանը:

Նա նաև նշել է, թե ՙՐաֆֆին շատ ավելի լավ իրեն դրսևորեց նախագահական ընտրություններին, քան մարդիկ սպասում էին՚: Դիվանագետն ակնկալում է, որ առաջիկա ընտրություններում կծավալվի խաղաղ պայքար:

Հիշեցնենք, որ Երևանի ավագանու խորհրդի ընտրություններին մասնակցելու համար ԿԸՀ իրենց համամասնական ցուցակներն են ներկայացրել վեց կուսակցություններ և մեկ դաշինք` ՀՀԿ, ԲՀԿ, ՕԵԿ, ՀԱԿ, ՙԱռաքելությունը՚, ՀՅԴ և Րաֆֆի Հովհաննիսյանի գլխավորած ՙԲարև, Երևան՚ դաշինքը: Երևանի ավագանու խորհրդի ընտրությունները կկայանան մայիսի 5-ին, քաղաքական ուժերը կպայքարեն Ավագանու խորհրդի 65 տեղերի համար:

 Ամեն դեպքում Ստեփանակերտի օդակայանը գործելու է: Այդ մասին ՙԱզատություն՚ ռադիոկայանին հարցազրույցում ասել է  Լեռնային Ղարաբաղի արտգործնախարար Կարեն Միրզոյանը:

ՙԴա ԼՂՀ իշխանությունների սուվերեն որոշումն է, եւ վաղ թե ուշ այն ի կատար է ածվելու, չնայած Ադրբեջանի իշխանությունների բոլոր սպառնալիքներին եւ այլ քայլերին: ԼՂՀ տարածքում արդեն երկու տասնամյակից ավելի է, ինչ չեն գործում Ադրբեջանի օրենքները: Դա մեր պատասխանն է: Ինչ վերաբերում է ադրբեջանական կողմի սպառնալիքներին եւ մեր մոտեցումներին, ես ասեմ, որ դա միայն մեր մոտեցումը չէ, ես կարող եմ վստահորեն ասել, որ այդ մոտեցումը լիովին կիսում են նաեւ համանախագահները, հարցին փոքրիշատե տեղյակ բոլոր քաղաքական ուժերը: Այսինքն բոլորն էլ հստակորեն ընդգծում են, որ ցանկացած սպառնալիք` խփել քաղաքացիական օդանավ կամ որեւէ նման այլ քայլ անել, անընդունելի է բացարձակապես: Դրա մասին արդեն մենք խոսել ենք նաեւ արտգործնախարարի անունից նամակում, որը հղվեց անցյալ տարի աշնանը ՄԱԿ-ի գլխավոր քարտուղարին՝ ընգդծելով, որ չվերթը կրում է զուտ մարդասիրական նպատակ եւ չի հետապնդում որեւէ այլ քաղաքական նպատակ: Իսկ այն քաղաքական խաղերը, այն սպառնալիքների շարանը, այն ապատեղեկատվության ալիքը, որն այսօր սկսել է Ադրբեջանը, սոսկ հերթական փորձն է` աղավաղելու բանակցային գործընթացը եւ միջազգային հանրության ուշադրությունը շեղելու Ադրբեջանի կողմից ձեռնարկվող հակաօրինական քայքայիչ քայլերից՚,- ասել է Կարեն Միրզոյանը:

 Էմբարգոն վերացնելուց հետո վրացական գինիները ռուսական շուկայում կնեղեն հայկական գինիներին: Այս մասին ԱրմԻնֆո գործակալության թղթակցին հայտնել է Հայաստանի Գինեգործների միության նախագահ Ավագ Հարությունյանը:

Ծրագրվում էր, որ առաջիկա 5 տարիներին հայկական գինիների արտահանումը Ռուսաստան կաճի 3 անգամ, սակայն աճի տեմպերը, հաստատ, կլինեն ավելի փոքր: Հայաստանից գինիների արտահանումն 2012 թվականին աճեց 60%, մինչև 1.185 մլն.լիտր, 2011 թվականի 744 մլն.լիտրի փոխարեն, և այդ ծավալների մոտ 75%-ն իրացվել է Ռուսաստանում: Մի քանի տարի առաջ արտահանումը կազմում էր 500 հազ.լիտր:

Հարությունյանը նշել է, որ մինչև էմբարգոն Ռուսաստանում ամեն տարի վաճառվում էր 50-55 մլն.շիշ վրացական գինի, իսկ վրացական գինու գործարանների ներուժը կազմում է 15-20 մլն.շշից ոչ ավելի: Սա խոսում է այն մասին, որ արտադրանքի մեծ մասը կեղծվում էր կամ Վրաստանում, կամ էլ Ռուսաստանում: Վերջին տարիներին վրացական գինեգործները ներգրավեցին խոշոր ներդրողների: ՙԱյժմ նրանք ռուսական շուկա դուրս կգան ավելի լավ որակով, որը կգերազանցի հայկական գինիների որակը, իսկ գները կլինեն միատեսակ: Հայաստանը պետք է լրացուցիչ ներդրումներ ներգրավի գինու գործարանների արդիականացմանը, որպեսզի դիմանա մրցակցությանը՚,-ասել է Հարությունյանը: Նա հավելել է, որ կանցնի ևս 1-2 տարի, մինչև վրացական գինիները կրկին ճանաչում կգտնեն Ռուսաստանում և կհաստատվեն շուկայում:

Նա նշել է նաև, որ վրացական գինիների նկատմամբ արգելքն սպասվում է, որ կհանվի 2013 թվականի հունիսին: Հարությունյանի գնահատականներով, Ռուսաստանի գինու շուկայի ծավալը կազմում է տարեկան 1.2 մլրդ.շիշ:

Հայաստանը միշտ էլ պատրաստ է Հունգարիայի հետ հարաբերությունները վերականգնելուն, բայց դրա համար պաշտոնական Բուդապեշտը պետք է կոնկրետ քայլեր ձեռնարկի: Այսօր Երևանում կայացած մամուլի ասուլիսում այս մասին հայտարարել է ՀՀ արտգործնախարար Էդվարդ Նալբանդյանը:

ՙՄենք միշտ էլ պատրաստ ենք բանակցություններին, բայց նախաձեռնությունը պետք է լինի Հունգարիայի կողմից՚,-ընդգծել է Հ ԱԳՆ ղեկավարը:

Հիշեցնենք, որ օգոստոսի 31-ին հունգարական իշխանությունները հայրենիք արտահանձնեցին ադրբեջանցի մարդասպան Ռամիլ Սաֆարովին, որտեղ նրան ներում շնորհվեց Ադրբեջանի նախագահի կողմից: Ավելին, նրա կոչումը բարձրացվեց, և նա գրեթե հայտարարվեց ազգային հերոս: Դրանից հետո Հայաստանը դադարեցրեց բոլոր պաշտոնական կապերը Հունգարիայի հետ:

 Ապրիլի 16-ից 17-ի գիշերը տեղի ունեցած եղանակի կտրուկ փոփոխության պատճառով Հայաստանի մի շարք մարզերում ձյուն է տեղացել:

Ինչպես ԱրմԻնֆո գործակալությանը տեղեկացվել է ՀՀ ՏԿՆ մամուլի ծառայությունից, ձյան տեսքով տեղումներ են եղել Վայքում, Սիսիանում, Գորիսում, Մեղրիում, Վանաձորում, Սպիտակում եւ Ճամբարակում: Այնուամենայնիվ, ճանապարհներ մաքրվել են եւ մշակվել: Ժամը 10:30-ի դրությամբ Հայաստանի բոլոր միջպետական եւ հանրապետական ճանապարհներն ու լեռնանցքներ բաց են երթեւեկության համար:

 ԱրմԻնֆո գործակալության կողմից Երևանի բանկերից ստացված տվյալների համաձայն, տարադրամի փոխանակման բանկային կետերում այսօր ԱՄՆ դոլարի առքի առավելագույն գինը 1 դոլարի դիմաց կազմել է 416 դրամ, ԵՎՐՈ-ի առքի առավելագույն գինը`547 դրամ, իսկ ռուսական ռուբլու առքի գինը`13.3 դրամ: ԱՄՆ դոլարի վաճառքի նվազագույն գինը կազմել է 417.5 դրամ, ԵՎՐՈ-ի վաճառքի գինը` 550 դրամ, իսկ ռուսական ռուբլու վաճառքի գինը`13.3 դրամ: