Օգոստոսի 17-ից մինչև հոկտեմբերի 31-ը Երևանում կընթանան հայկական անիմացիայի վարպետների հայտնի և սիրելի ֆիլմերի բաց ցուցադրություններ: Այդ ծրագրով անիմացիոն ֆիլմերի ՙՌեանիմանիա՚ միջազգային փառատոնը կնշի հայկական մուլտիպլիկացիայի 75-ամյա հոբելյանը` ՙԿոնվերս Բանկի՚ աջակցությամբ:

ԿԽՄԿ Բաքվի գրասենյակը գաղտնի բանակցություններ է վարում Ադրբեջանի համապատասխան պետական կառույցների հետ`հայ գերի Հակոբ Ինջիղուլյանի հետ հանդիպման թույլտվություն ստանալու նպատակով: 

Հանքարդյունաբերական մաֆիան կոծկում է Հայաստանում ուրանի և թորիումի հանքավայրերի առկայությունը, ասվում է ՙՀայաստանի կանաչների միության՚ նախագահ Հակոբ Սանասարյանի հայտարարության մեջ:

 ՙԱդրբեջանը միջազգային նորմերի ու սկզբունքների հիման վրա ղարաբաղյան հակամարտության կարգավորման` մասնավորապես, օկուպացված բոլոր տարածքներից ՀՀ զինված ուժերի անվերապահ և շուտափույթ դուրս բերման կողմնակից է`ՄԱԿ-ի Անվտանգության խորհրդի չորս բանաձևերի հիման վրա՚ օգոստոսի 15-ին Թուրքալեզու երկրների համագործակցության խորհրդի 3-րդ գագաթնաժողովի շրջանակներում արտաքին քաղաքական գերատեսչությունների ղեկավարների նիստի ժամանակ հայտարարել է Ադրբեջանի արտգործնախարար Էլմար Մամեդյարովը:

Հայաստանում լեռնահանքային ձեռնարկությունները շրջակա միջավայրը սնդիկով աղտոտման հիմնական աղբյուրներից մեկն են, այսօր մամլո ասուլիսի ժամանակ հայտարարել է ՙՀայ կանայք հանուն առողջության և առողջ շրջակա միջավայրի՚ ՀԿ փորձագետ Քնարիկ Գրիգորյանը:

 Օգոստոսի 14-ի երեկոյան կայացած Հայաստանի հանրապետական կուսակցության Գործադիր մարմնի նիստի ընթացքում կուսակցությունը որոշել է թիվ 38 ընտրատարածքում պատգամավորի թեկնածու առաջադրել Կապանի նախկին քաղաքապետ Արմեն Կարապետյանին: 

 ՀՀ պաշտպանության նախարար Սեյրան Օհանյանը ընդունել է եռօրյա այցով օգոստոսի 13-ին Հայաստան ժամանած Ռուսաստանի Դաշնության ռազմատեխնիկական համագործակցության գծով դաշնային գործընկալության տնօրեն Ալեքսանդր Ֆոմինի գլխավորած պատվիրակությանը: Հանդիպման ներկա էին նաև ՀՀ պաշտպանության նախարարի 1-ին տեղակալ Դավիթ Տոնոյանը, ՀՀ պաշտպանության նախարարի տեղակալ Ալիկ Միրզաբեկյանը:

ՀՀ ՊՆ մամուլի քարտուղար Արծրուն Հովհաննիսյանը հայտարարություն է տարածել, որում ասվում է, որ Հ.Ինջիղուլյանի՝ մարտական դիրք չվերադառնալու փաստի առթիվ ՀՀ քրեական օրենսգրքի 365 հոդվածի առաջին մասով հարուցվել է քրեական գործ: 

 Երկու պարտիաներում հաղթանակից հետո գրոսմայստեր Լևոն Արոնյանը ոչ-ոքի ավարտեց Նորվեգիայի Տրոմսյո քաղաքում ընթացող շախմատի աշխարհի գավաթի խաղարկության երկրորդ փուլի առաջին խաղը ռուսաստանցի Իգոր Լիսինի հետ:

 3 հայ զինծառայողի սպանության և գումարտակի հրամանատարի վիրավորման վերաբերյալ ադրբեջանական ԶԼՄ-ների տեղեկատվությունը հերյուրանք է: Այդ մասին ԱրմԻնֆո-ի թղթակցի հետ զրույցում հայտարարել է ՀՀ ՊՆ մամուլի քարտուղար Արծրուն Հովհաննիսյանը:

 Հայաստանի ֆուտբոլի ազգային հավաքականը 2-0 հաշվով պարտվեց Ալբանիայի թիմին:

 Ընդամենը վերջերս ոստիկանական ներքին անվտանգության վարչության օպերլիազորի պաշտոնից կադրերի ռեզերվ ուղարկված Վարդան Ղուկասյանը` Դոգը, նոր պաշտոն է ստացել` կրկին համակարգում: 

Եվրոպական վիճակագրական վարչությունը՝ Եվրոստատը, ներկայացրել է 2013 թվականի առաջին եռամսյակի տվյալները Եվրամիության երկրներում ապաստան հայցողների վերաբերյալ: Ինչպես հաղորդում է ՙԱզատություն՚ ռադիոկայանը, ըստ այդ տվյալների՝ ապաստան փնտրող հայաստանցիների թիվը այս տարվա առաջին եռամսյակում նախորդ տարվա նույն ժամանակահատվածի համեմատությամբ նվազել է 12 տոկոսով` շուրջ 200-ով: 

ՀՀ գերիների, պատանդների և անհայտ կորածների հանձնաժողովը ԿԽՄԿ-ին  կոչ է անում ակտիվացնել ՀՀ քաղաքացի Հակոբ Ինջիղուլյանին այցելելու ջանքերը, ով օգոստոսի 7-ի լույս 8-ի գիշերը  տեղանքում չկողմնորոշվելու հետևանքով պատահաբար հատել էր շփման գիծը, հայտնվել ադրբեջանական զորքերի պահպանության տարածքում և գերեվարվել վերջիններիս կողմից: 

2013 թվականի սեպտեմբերից ՙՓարոս՚ ծրագրում ընդգրկված ծայրահեղ անապահով ընտանիքների ուսանողների համար կսահմանվեն ուսման վարձավճարի 50-100 տոկոսի զեղչեր: Այսօր այդ մասին հայտարարել է կրթության և գիտության նախարար Արմեն Աշոտյանը` ելույթ ունենալով Ծաղկաձորում ՙԲազե՚ երիտասարդական հավաքի մասնակիցների հետ հանդիպմանը: Նրա ասելով, միջին և միջինից ցածր եկամուտներ ունեցող ընտանիքների ուսանողները հնարավորթյուն կունենան վերցնել ուսանողական վարկեր ուսումնառության 4 տարվա համար` արտոնյալ պայմաններով: Բացի այդ, նախապատրաստվել է օրինագիծ, որում հստակ թվարկվում են բնակչության այն խմբերը, որոնք կարող են ակնկալել բուհում ուսման վարձավճարի մինչև 50 տոկոս զեղչեր: Խոսքը վերաբերում է, մասնավորապես, հաշմանդամներին, միակողմանի կամ երկկողմանի ծնողազուրկներին, Արցախյան պատերազմի վետերանների երեխաներին:

Լեռնային Ղարաբաղի ժողովուրդը ստեղծել է իր պետությունն իրականացնելով իր ինքնորոշման անքաքտելի իրավունքը՝ համապատասխան միջազգային իրավունքի նորմերին ու սկզբունքներին: Այդ մասին ասվում է  Լեռնային Ղարաբաղի Հանրապետության արտաքին գործերի նախարարության հայտարարության մեջ:

 Ժամը 17:00-ին քաղաքապետարանի շենքի առջև նստացույց անող երիտասարդ ակտիվիստները կհանդիպեն Երևանի քաղաքապետ Տարոն Մարգարյանի հետ: Այդ մասին ասվում է ակցիայի մասնակիցների տարածած հայտարարության մեջ:

Լեռնային Ղարաբաղի իշխանությունները պատրաստակամություն են հայտնում Ադրբեջանի հետ երկխոսություն սկսել ջրային ռեսուրսների համատեղ կառավարման շուրջ: Այդ մասին ՙԱզատություն՚ ռադիոկայանի հետ զրույցում հայտարարել է Լեռնային Ղարաբաղի փոխվարչապետ Արթուր Աղաբեկյանը, ընդգծելով, որ խոսքը ինչպես Սարսանգի ջրամբարի, այնպես էլ Թարթառ գետից տարբեր ուղղություններով հոսող ջրերի մասին է:

Օգոստոսի 14-ին, տեղական ժամանակով 09:48-ին 3,6 մագնտուդի երկրաշարժ է տեղի ունեցել Վրաստանի Շիդա Քարթլի տարածաշրջանի Կարելյան շրջանում: Ինչպես հաղորդում է ՙԲլաք սի պրեսը՚, վկայակոչելով Իլի համալսարանի սեյսմիկ դիտարկման կենտրոնի տվյալները, երկրաշարժի էպիկենտրոնը գտնվել է Թբիլիսիից 60 կմ դեպի արևմուտք: Ինչպես նշվում է հաղորդագրության մեջ, այդ տարածաշրջանը համարվում է սեյսմակայուն, և երկրաշարժը լուրջ հետևանքներ չի թողել: 

 Հայտնի ռեժիսոր Ռոման Բալայանն ավարտում է նոր սցենարի շուրջ աշխատանքը: ՙԿարծում եմ, որ մինչև օգոստոսի վերջը կավարտեմ սցենարը, որպեսզի 2014 թ. գարնանը ձեռնամուխ լինեմ նկարահանումներին՚,- ասել է Բալայանն ԱրմԻնֆո-ի հետ զրույցում: