Հայկական կոմպլեմենտարիզմը չի մահացել, այն ընդամենը ժամանակավորապես ամփոփվել է, ԱրմԻնֆո-ին այդպիսի կարծիք է հայտնել Ռուսաստանի պետական հումանիտար համալսարանի արտասահմանյան ռեգիոնագիտության և արտաքին քաղաքականության ամբիոնի դոցենտ Սերգեյ Մարկեդոնովը: 

Հայոց ցեղասպանության հերքումը ժամանակին դարձավ պատմության կրկնման` Հոլոքոստի պատճառ: Այդ մասին Ծիծեռնակաբերդի հուշահամալիրում հայտարարել է ԱՄՆ կոնգրեսական, ԱՄՆ-Հայաստան բարեկամության խմբի համանախագահ Էդ Ռոյսը` Մեծ եղեռնի զոհերի հիշատակը հավերժացնող անմար կրակի մոտ ծաղկեպսակ դնելուց հետո:

Հայոց ցեղասպանության վերաբերյալ Թուրքիայի վարչապետ Ռեջեփ Թայիփ Էրդողանի հայտարարությունն ապացուցում է այն փաստը, որ վաղ թե ուշ Անկարան ստիպված է լինելու ճանաչել սեփական պատմությունը: Այդ մասին հայտարարել է փոխարտգործնախարար Շավարշ Քոչարյանը` Ծիծեռնակաբերդի հուշահամալիրում ծաղկեպսակ դնելուց հետո:

 Մարդկությունը պետք է ճիշտ գնահատական տա անցած դարասկզբին տեղի ունեցած իրադարձություններին, այսօր Ծիծեռնակաբերդի հուշահամալիր այցելության ժամանակ լրագրողների հետ զրույցում ասել է Հայաստանում Ռուսաստանի դեսպան  Իվան Վոլինկինը: 

 ՙՄենք բարձր ենք գնահատում Հայաստանի նախագահ Սերժ Սարգսյանի նախաձեռնությունը, ով հեռատեսություն ցուցաբերեց և երկխոսություն սկսեց Թուրքիայի հետ՚,-այսօր Ծիծեռնակաբերդի հուշահամալիր այցելության ժամանակ լրագրողների հետ զրույցում ասել է Հայաստանում Լեհաստանի դեսպան Զդիսլավ Ռաչինսկին: Նրա խոսքով, չնայած երկկողմ հարաբերությունների կարգավորման գործընթացը առայժմ սառեցված է`այնուամենայնիվ, ինքը հավատում է, որ երկխոսության վերականգնումը ժամանակի հարց է:

Առանց ղարաբաղյան հակամարտության կարգավորման` Հայաստանի հետ Թուրքիայի հարաբերությունները չեն կարող կարգավորվել:

 Ապրիլի 23-ի երեկոյան Ստամբուլում կայացել է երթ` նվիրված Հայոց ցեղասպանության զոհերի հիշատակին և 99-րդ տարելիցին:

Մենք այսօր այստեղ ենք, Ծիծեռնակաբերդում` հարգանքի տուրք մատուցելու Օսմանյան կայսրությունում հայերի զանգվածային տեղահանության և կոտորածի զոհերի հիշատակին: Այդ մասին լրագրողներին հայտարարել է ՀՀ-ում ԱՄՆ դեսպան Ջոն Հեֆերնը:

ԱՄՆ ողջունում է Թուրքիայի վարչապետ Ռեջեփ Թայիփ Էրդողանի «պատմական հայտարարությունը 1915 թվականին հայերի ապրած տառապանքների վերաբերյալ»: Ինչպես հաղորդում է Պետդեպարտամենտի կայքը, այդ մասին ճեպազրույցում հայտարարել է Պետդեպարտամենտի ներկայացուցիչ Ջեն Փսակին:

Թուրքիայի վարչապետ Էրդողանի հայտարարությունը Թուրքիայի ժխտողական քաղաքականության հերթական և կատարելագործված դրսևորում է: Ապրիլի 24-ին Ծիծեռնակաբերդի հուշահամալիրում այդպիսի կարծիք է հայտնել Հայաստանի նախագահի աշխատակազմի ղեկավար Վիգեն Սարգսյանը:

ԱԺ փոխխոսնակ Էդուարդ Շարմազանովն Անկարային կոչ է արել օբյեկտիվ լինել պատմական իրողությունները գնահատելիս:

 Պատմական դեպքերի նենգափոխումը չի կարող հաղթել պատմության անհերքելի ճշմարտությանը։ Այդ մասին հայտարարել է Մեծի Տանն Կիլիկիո կաթողիկոս Արամ Ա.-ն, մեկնաբանելով Թուրքիայի վարչապետ Ռեջեփ Թայիփ Էրդողանի ապրիլի 23-ի հայտարարությանը, որում նա ցավակցություն է հայտնել Հայոց ցեղասպանության զոհերի թոռներին` Մեծ եղեռնը որակելով «20-րդ դարի սկզբի իրադարձություններ»:

Եվրամիության ընդլայնման և հարևանության քաղաքականության հարցերով հանձնակատար Շտեֆան Ֆյուլեն դրական է գնահատել  Թուրքիայի վարչապետ Ռեջեփ Թայիփ Էրդողանի հայտարարությունը,  ով ապրիլի 23-ին խորհրդարանի նիստում ցավակցություն է հայտնել Հայոց ցեղասպանության զոհերի թոռներին` Մեծ եղեռնը որակելով «20-րդ դարի սկզբի իրադարձություններ»: 

Այսօր մենք հիշում և հարգանքի տուրք ենք մատուցում 20-րդ դարի  սկզբին Օսմանյան կայսրությունում տեղի ունեցած սարսափելի իրադարձությունների զոհերին: Այդ մասին ասվում, է Կանադայի վարչապետ Սթեֆան Հարփերի` երկրի հայ համայնքին հղած ուղերձում:

Թուրքիայի վարչապետ Ռեջեփ Թայիփ Էրդողանի` հայերի հետ համատեղ ապագա կառուցելու կոչը նողկալի երեսպաշտություն է: Այդ մասին ասվում է «Ամերիկայի հայկական համագումարի» հայտարարության մեջ:

 Հայ-թուրքական հարաբերությունները կարող են վերականգնվել «օկուպացված ադրբեջանական տարածքներն» ազատելուց հետո միայն: Ինչպես հաղորդում է «Թրենդը», վկայակոչելով TRT Haber հեռուստաալիքը, այդ մասին հայտարարել է Թուրքիայում կառավարող «Արդարություն և զարգացում» կուսակցության ղեկավարի տեղակալ Մերհեմթ Ալի Շահինը:

 Ապրիլի 24-ին ԱԳ նախարար Էդվարդ Նալբանդյանն ընդունել է ԱՄՆ Կոնգրեսականների պատվիրակությանը` Ներկայացուցիչների պալատի արտաքին հարաբերությունների հանձնաժողովի ղեկավար Էդ Ռոյսի գլխավորությամբ: Պատվիրակության կազմում էին կոնգրեսականներ Էլլիոթ Լանս Էնգելը, Դեյվիդ Սիսիլինին և Լուս Ֆրենկելը։

1915 թվականի իրադարձությունների վերաբերյալ Թուրքիայի վարչապետ Ռեջեփ Թայիփ Էրդողանի հայտարարությունը 4,5 տարի շարունակվող գործընթացի մի մասն է: Ինչպես հաղորդում է 1news.az-ը, վկայակոչելով CNN Turk-ը, այդ մասին հայտարարել է Թուրքիայի արտգործնախարար Ահմեթ Դավութօղլուն` մեկնաբանելով երկրի վարչապետի գրավոր հայտարարությունը։

Մեծ եղեռնն իրավամբ դասվում է մարդկության դեմ ուղղված ամենածանր ոճրագործությունների շարքին, որոնք վաղեմության ժամկետ չունեն եւ չեն էլ կարող ունենալ, քանի որ մոռանալ անցյալը` նշանակում է ճանապարհ բացել նոր բարբարոսությունների ու չարագործությունների համար: Այդ մասին ասվում է Ցեղասպանության զոհերի հիշատակի օրվա կապակցությամբ հրապարակված Արցախի Հանրապետության նախագահ Բակո Սահակյանի ուղերձում:

 Այսօր մենք խնկարկում ենք Հայոց մեծ եղեռնի անմեղ զոհերի հիշատակը: Մեկուկես միլիոն հայորդիներ զոհ դարձան մի այնպիսի հանցագործության, որն այն ժամանակ դեռ անուն չուներ: Մարդկային որևէ լեզու դեռ չէր հորինել նման արտահայտություն կամ բառեզր: Նրանք զոհվեցին պարզապես նրա համար, որ հայ էին: Նախօրոք և մանրամասնորեն ծրագրված ոճրագործությունն ուներ հստակ նպատակ. բնաջնջելով ժողովրդին՝ տիրանալ նրա բնօրրան-երկրին, նրա ունեցվածքին և հազարամյակների ժառանգությանը: Այսպիսով իրականացվում էր հայությանը, որպես քաղաքական գործոն, պատմության թատերաբեմից ընդմիշտ վերացնելու հրեշավոր նախագիծը: Այդ մասին ասվում է Ցեղասպանության զոհերի հիշատակի օրվա կապակցությամբ հրապարակված Հայաստանի նախագահ Սերժ Սարգսյանի ուղերձում, որի տեքստը տրամադրվել է ԱրմԻնֆո գործակալությանը: