ՀՀ պաշտպանության նախարար Սեյրան Օհանյանը, լրագրողների հետ զրույցում մեկնաբանելով Ռուսաստանի կողմից Ադրբեջանին սպառազինության վաճառքը, հայտարարել է, որ լավ աչքերով նայել չի կարող ռուս-ադրբեջանական ռազմական գործարքներին:

Հայ և վրացի յոգերն այս տարվա օգոստոսին Բաթումի քաղաքում կանցկացնեն յոգայի առաջին միջազգային փառատոնը: Միջոցառման կազմակերպման գաղափարը երկու ֆեդերացիաների ներկայացուցիչների կողմից քննարկվել է օրերս, Վրաստանում:

2014թ.-ի մայիսի 21-ին «Կոնվերս Բանկ» ՓԲԸ-ին շնորհվել է կուտակային կենսաթոշակային համակարգի հաշվի օպերատորի կարգավիճակ: Սույն կարգավիճակում ընկերությունը կսպասարկի կուտակային կենսաթոշակային համակարգի մասնակիցներին` միջնորդելով Հայաստանի Կենտրոնական Դեպոզիտարիայի կողմից մասնակիցներին մատուցվող ծառայությունները:

 Մայիսի 25-ին` ժամը 21.52-ին, ահազանգ է ստացվել, որ Գեղարքունիքի մարզի Սևան-Դիլիջան ավտոճանապարհին՝ թունելի մոտակայքում, տեղի է ունեցել քարաթափում, ինչը խոչընդոտում է երթևեկությանը:

 Մայիսի 29-ին Աստանայում նախատեսվում է Եվրասիական տնտեսական միության վերաբերյալ պայմանագրի ստորագրում: Վլադիմիր Պուտինի խոսքով, արդեն մոտ ժամանակներս կավարտվեն միավորմանը Հայաստանի միացման ընթացակարգերը: Շատերը խոսում են նաև ԵՏՄ-ին Ղրղըզստանի առաջիկա միացման մասին: Կարելի՞ է արդյոք սպասել, որ դա տեղի կունենա մայիսի 29-ին`նախքան ՄՄ-ին այդ երկրների անդամակցումը: 

Ոստիկանության Գորիսի բաժանմունքում հաստատել են այն տեղեկատությունը, որ Սյունիքի նախկին մարզպետ Սուրեն Խաչատրյանի զարմիկն ու նրա ընկերներնը ծեծի են ենթարկել և առևանգել  երկու երիտասարդների:

 Նախագահ Սերժ Սարգսյանն այսօր ստորագրել է Ազգային ժողովի ընդունած «Կուտակային կենսաթոշակների մասին» ՀՀ օրենքում փոփոխություն կատարելու մասին ՀՀ օրենքը, հաղորդում է president.am-ը:

 «Հարավկովկասյան երկաթուղի» ՓԲԸ, մի շարք հայկական բեռնափոխադրող ընկերությունների և Բաթումիի ծովային նավահանգստի ներկայացուցիչները մայիսի 23-ին քննարկել են համագործակցության ընդլայնման և Բաթումի ծովային նավահանգստից Հայաստան փոխադրվող բեռների ծավալների աճի հեռանկարները:

 Ադրբեջանում ղարաբաղյան խնդրով զբաղվող իրավասու փորձագետներն այնքան շատ չեն, արպեսզի նրանց մի մասին բանտ նստեցնեն և հեղինակազրկեն: «Թուրանի» հրապարակած հարցազրույցում այդ մասին հայտարարել է Հումանիտար հետազոտությունների միության ղեկավար Ավազ Գասանովը` անդրադառնալով լրագրող Ռաուֆ Միրկադիրովի և իրավապաշտպան Յունուս զույգի ձերբակալությանը:

Մայիսի 25-ին Մոսկվայում հարկադիր վայէջք է կատարել «Աերոֆլոտ» ընկերության Մոսկվա-Երևան չվերթն իրականացնող ինքնաթիռը, որի ուղեւորների թվում եղել է Հայաստանի պաշտպանության նախարար Սեյրան Օհանյանը:  Թռիչքից  40 րոպե անց ինքնաթիռը հարկադիր վայրեջք է կատարել «Շերեմետևո» օդանավակայանում: Ըստ «Ինտերֆաքսի», ինքնաթիռն օդանավակայան է վերադարձել բեռնախցիկում ծխի առկայության ահազանգի հետեւանքով: Ինչպես հաղորդել է ՌԴ ՆԳՆ տրանսպորտի անվտանգության վարչության մամուլի ծառայությունը, ինքնաթիռում գտնվող 161 ուղեւորներից ոչ ոք չի տուժել: 

 Ժիրայր Սեֆիլյանին ցանկանում են արտաքսել Հայաստանից: Այդ մասին ասվում է Նախախորհրդարանի քարտուղարության հայտարարությունում:

Պրն. դեսպան, արդյո՞ք գոհացնում է Ձեզ հայ-ռումինական հարաբերությունների գոյություն ունեցող մակարդակը:

 ՙԻնձ համար անընդունելի են այն քաղաքական ուժերի ու գործիչների մոտեցումները, որոնք դեռ բոլորովին վերջերս հաստատակամորեն պահանջում էին կառավարման համակարգի փոփոխություն, իսկ այսօր հանկարծ պնդում են, որ սահմանադրության փոփոխության կարիք ընդհանրապես չկա՚,-հայտարարել է ՀՀ նախագահ, ՀՀԿ նախագահ Սերժ Սարգսյանը` ելույթ ունենալով ՀՀԿ 15–րդ համագումարում: 

 Հրադադարի պայմանագրի կնքումից 20 տարի անց պատերազմը դեռ չի ավարտվել ո՛չ հաղթողի, ո՛չ պարտվողի համար. այն շարունակվում է այլ հարթությունում, հայտարարել է ՀՀ նախագահ, ՀՀԿ նախագահ Սերժ Սարգսյանը` ելույթ ունենալով ՀՀԿ 15–րդ համագումարում: 

Հայաստանի հանրապետական կուսակցությունից գործարար պատգամավոր Սամվել Ալեքսանյանը վարչապետ Հովիկ Աբրահամյանին խոստացել է այսուհետ աշխատել հարկային դաշտում, այսօր ՀՀԿ համագումարից առաջ լրագրողներին հայտարարել է Աբրահամյանը:

Նրա խոսքով, Հայաստանի գործարարների հետ հանդիպման ընթացքում Ալեքսանյանը հայտարարել է, որ պատրաստ է ՙմաքուր՚ աշխատել և հարկային դաշտ մտնել, եթե բոլոր գործարարները նույն կերպ վարվեն: ՙՆա խոստացել է ՙմաքուր՚ աշխատել, և ինձ չի հետաքրքրում, թե ինչ է եղել մինչ այդ, ինձ հետաքրքրում է, թե ինչ է լինելու այսուհետ, այսինքն`բոլոր գործարարները պետք է աշխատեն հարկային դաշտում՚,- նշել է վարչապետը: Նա նաև ասել է, որ Ֆինանսների նախարարությունը շարունակում է հանդիպումները գործարարների հետ`փորձելով պարզել, թե ինչ հարթությունում են նրանք աշխատում:

Մայիսի 16-ին պատգամավոր Նիկոլ Փաշինյանն Ազգային ժողովում հայտարարել է, որ պաշտոնական տվյալներով 2014 թվականի առաջին եռամսյակում Հայաստանը, իսկ ավելի ճիշտ, հանրապետական պատգամավոր Սամվել Ալեքսանյանին պատկանող շաքարի գործարանն արտադրել է 0 կգ շաքարավազ: Դրա փոխարեն Հայաստան է ներկրվել 30 հազար տոննա շաքարի հումք: ՙԴա խոսում է այն մասին, որ գործարար պատգամավոր Ալեքսանյանը և նրան պատկանող ձեռնարկությունը, գործարքի մեջ մտնելով կառավարությնա հետ, շաքարի հումքի անվան տակ Հայաստան են ներկրում շաքար, քանի որ շաքարի մաքսատուրքը կազմում է 10%, իսկ շաքարի հումքինը` զրո տոկոս է: Ստացվում է, որ կառավարությունն ու նրան մոտ կանգնած օլիգարխները բյուջեի հաշվին վաստակել են 2.9 մլն.դոլար: Ոչ ոք դեմ չէ, որպեսզի Սամվել Ալեքսանյանը, Սերժ Սարգսյանը կամ Հովիկ Աբրահամյանը լինեն այնքան ճարպիկ, որպեսզի ձեռքի թեթև շարժումով աշխատեն միլիոններ: Խնդիրն այն է, որոր դա արվում է քաղաքացիների հաշվին՚- հայտարարել է Փաշինյանը: Նրա խոսքով, եթե կառավարոթյունը պայքարում է ստվերային տնտեսության դեմ, ապա չպետք է ինքը ստեղծի դա:

 Սյունիքի նախկին մարզպետ Սուրեն Խաչատրյանը հերքել է տեղեկատվությունը, թե Գորիսի քաղաքապետի պաշտոնի թեկնածուները ճնշման են ենթարկվել իր կողմից: Այդ մասին նա հայտարարել է այսօր`Հայաստանի հանրապետական կուսակցության համագումարից առաջ: 

Նրա խոսքով, թեկնածուներն իրենք են առաջադրվելու և ինքնաբացարկի վերաբերյալ որոշումներ կայացրել: Ըստ որում, նա ընդգծել է, որ աջակցում է Գորիսի քաղաքապետի թեկնածու Վաչագան Ադունցին, քանի որ համարում է, որ վերջինս լավ մարդ է: Նախկին մարզպետը նաև նշել է, որ հիանալի հարաբերությունների մեջ է ներկայիս մարզպետ Վահե Հակոբյանի հետ, ով, նրա խոսքով, նույնպես սատարում է Ադունցին:

Նշենք, որ Գորիսի քաղաքապետի ընտրություններում տարօրինակ հանգամանքներում պայքարից հրաժարվել են Արա Բուդաղյանը և Տիգրան Կարապետյանը: Այժմ Գորիսի քաղաքապետի պաշտոնի համար պայքարելու են Վաչագան Ադունցը և անկուսակցական գործարար Հրայր Յոլյանը: ՀՀԿ-ում ԱրմԻնֆո-ի աղբյուրների համաձայն, Գորիսում լարված իրավիճակը պայմանավորված է ոչ այնքան ապագա քաղաքապետի անձով, որքան Հակոբյանների ընտանիքի, որի անդամ է գործող մարզպետ Վահե Հակոբյանը, և Սյունիքի նախկին մարզպետ Սուրիկ Խաչատրյանի շրջապատի միջև հակակշիռ պահպանելու անհրաժեշտությամբ: Այդպիսով`երկրի բարձրագույն ղեկավարությունը փորձում է խոչընդոտել Սյունիքում Հակոբյանների կողմից իշխանության մոնոպոլացմանը:

 ՙԱրմենՏել՚ ընկերությունը (ապրանքանիշը` Beeline) շարունակում է աջակցություն ցուցաբերել Հայաստանի վետերան մանկավարժների միությանը: Ծրագրի շրջանակում ՙԱրմենՏել՚ ընկերության նախաձեռնությամբ «Հայաստանի մանկավարժ վետերանների միությունե համար հասանելի են դարձել ժամանակակից տեխնոլոգիաները և բարձրորակ ինտերնետ կապը։ 

 Ռուսաստանը մշակել և հայկական կողմին է հանձնել միգրացիայի խնդիրները կարգավորող համաձայնագիր, և այժմ Մոսկվան Երևանից պատասխան է սպասում, ինչից հետո կսկսվի փոխադարձ համաձայնեցման գործընթացը: Այդ մասին հայտարարել է ՌԴ Դաշնային միգրացիոն ծառայության պետ Կոնստանտին Ռոմոդանովսկին ՀՀ Ազգային ժողովում` Հայ-ռուսական բարեկամության խորհրդարանական ակումբում: 

ԱՄՆ ակտիվորեն ձգտում է Ադրբեջանի միջոցով հիմարացնել Ռուսաստանին: Այսօր Երևանում լրագրողներին նման կարծիք է արտահայտել «Ղարաբաղ» կոմիտեի անդամ, ՀՀ առաջին նախագահի ազգային անվտանգության գծով խորհրդական Աշոտ Մանուչարյանը:

Մայիսի 27-ին Երևանում տեղի կունենա «Ֆինանսական համակարգի ֆորում», որի նախաձեռնողն է «Երևանի «Ադամանդ» ապրանքա-հումքային բորսան»: Այս մասին ԱրմԻնֆո գործակալությանը տեղեկացվել է բորսայի մամուլի ծառայությունից: