Հունվարի 23-ի երեկոյան Տավուշի մարզի Այգեպար գյուղի գնդակոծության արդյունքում վիրավորվել է 16-ամյա Լիանա Անիկյանը:

 ՙԱրմենՏել՚ ընկերությունը (ապրանքանիշը Beeline) պարգևատրեց Facebook սոցիալական ցանցում Beeline Armenia պաշտոնական էջում անցկացված ՙBeeline  ամենամանկական մրցույթ՚–ի հաղթողներին:

ՀՀ սահմանադրական դատարանը հունվարի 24-ին աշխատակարգային նիստում որոշել է մինչեւ ՙԿուտակային կենսաթոշակների մասին՚ ՀՀ օրենքի 5, 7, 8, 37, 38, 45, 49 եւ 86-րդ հոդվածների սահմանադրականության վերաբերյալե գործի դատաքննության ավարտը կասեցնել ՙԿուտակային կենսաթոշակների մասին՚ ՀՀ օրենքի 76-րդ հոդվածի եւ 86-րդ հոդվածի 3-րդ մասի գործողությունը: Այս մասին ՍԴ մամլո քարտուղար Հովհաննես Պապիկյանը հայտնում է իր ֆեյսբուքյան էջում:    

Միջազգային դպրոցի առկայությունը Հայաստանում կարող է երկրում տնտեսական և քաղաքական կայունացման յուրօրինակ կոչ դառնալ: Այսօր Երևանում մամուլի ասուլիսի ժամանակ այդպիսի կարծիք է հայտնել Վերոնիկա Զոնաբենդը` ռուսաստանցի հայտնի գործարար և ֆիլանտրոպ, «Իդեա» բարեգործական հիմնադրամի հիմնադիր Ռուբեն Վարդանյանի տիկինը` մեկնաբանելով Դիլիջանի նախագծի ինքնածախսածածկման հասնելու փոքր հավանականությունը Հայաստանում հնարավոր տնտեսական և քաղաքական ցնցումների ֆոնին: Նա նշել է, որ աշխարհում գոյություն չունի բացարձակապես անվտանգ վայր, և Հայաստանում, ինչպես ցանկացած այլ երկրում, գոյություն ունեն որոշակի ռիսկեր, որոնց առկայությունը, սակայն, չպետք է դառնա խոչընդոտ այս կամ այն նախագծի իրացման գործում: Վերոնիկա Զոնաբենդն ընդգծել է, որ Կոստա Ռիկայում և  Սվազիլենդում, որտեղ տասնյակ տարիներ գործում են UWC ցանցի քոլեջներ (որի լիիրավ անդամ է նաև Դիլիջանի դպրոցը- խմբ.), և դրանց առկայությունը դարձել է այդ երկրներում ստեղծված անվտանգ իրավիճակի գործոններից մեկը: «Անշուշտ, քիչ ժամանակ չի պահանջվի, մինչև դպրոցը հասնի ինքնածախսածածկման: Սակայն մենք Դիլիջանի դպրոցին առնչվող այլ գաղափար ունենք. մենք ձգտում ենք ստեղծել նպատակային ֆինանսավորման բավականին մեծ հիմնադրամ, որը դպրոցին թույլ կտա աշխատել անկախ ապագա աշակերտների բարեկեցությունից», - ասել է նա:  Վ.Զոնաբենդը համոզմունք է հայտնել, որ Դիլիջանում որակյալ կրթություն ստանալու հեռանկարը կհետաքրքրի նաև աշխարհի տարբեր երկրների ունևոր մարդկանց:

Կենսաթոշակային հիմնադրամների լռությունը, որոնց վստահված է կենսաթոշակային ակտիվների կառավարումը, հակասում է ապագա կենսաթոշակառուների շահերին: ԱրմԻնֆոյի թղթակցի հետ զրույցում այդպիսի կարծիք է հայտնել «Արմենբրոկ» ներդրումային ընկերության գլխավոր տնօրեն Արամ Կայֆաջյանը` մեկնաբանելով կուտակային կենսաթոշակային համակարգի կարևոր բաղադրիչների մասին քաղաքացիների մեծ մասի լիակատար անտեղյակությունը: «Մենք չափազանց մտահոգված ենք կենսաթոշակային հիմնադրամների յուրօինակ լռությամբ: Շատերը նրանցից ակնկալում են որոշակի ակտիվություն, ԶԼՄ-ներում նրանց հաճախակի հայտնվելը, մանրամասն տեղեկատվություն ռազմավարական ծրագրերի մասին: Կառավարող հիմնադրամների նման վարքագիծը կարելի է բացատրել կամ անտարբերությամբ հայկական փոքր շուկայի նկատմամբ, կամ երկրում պրոոֆեսիոնալ կադրերի բացակայությամբ: Կարծում եմ, օտարերկրյա մասնագետների` վերլուծաբանների և կառավարիչների ներկայությունն այստեղ կմեծացներ վստահությունն այդ հիմնադրամների նկատմամբ», - նշել է նա:

  Փարիզում  սկսվել է Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի հանդիպումը: Այդ մասին Twitter-ի իր էջում գրել է ՀՀ արտաքին քաղաքական գերատեսչության մամուլի քարտուղար Տիգրան Բալայանը: 

 «Ես չեմ կարող նույնիսկ այսպիսի միջավայրում բացառել և ասել, որ ռազմական գործողություններ չեն լինելու, որովհետև մեր երկրում առնվազն երկու մարդ՝ Նախագահը և պաշտպանության նախարարը երևի պետք է համարեն, որ հենց վաղը կարող են ռազմական գործողություններ սկսվել: Բայց ես դեռևս տեսանելի ապագայում չեմ տեսնում ռազմական գործողությունների սկսում, սակայն եթե մեզ պարտադրեն, մենք ստիպված ենք լինելու կռվել», - հայտարարել է Հայաստանի նախագահ Սերժ Սարգսյանը այսօր  Աշխատանքի և սոցիալական հարցերի նախարարությունում անցկացված խորհրդակցության ժամանակ: 

Հայաստանում պարտադիր կուտակային կենսաթոշակային համակարգի ներդրումից հետո իրենց կենսաթոշակային հիմնադրամն ու դրա կառավարիչին ընտրել են ընդամենը մի քանի հազար քաղաքացիներ. Նոր համակարգի մասնակից 250 հազար քաղաքացիներից ընտրություն կատարածների թիվն  առայժմ 10 հազարի չի հասնում: Այդ մասին հունվարի 24-ին մամուլի ասուլիսում հայտարարել է ԿԲ  ֆինանսական համակարգի կայունության և զարգացման վարչության պետ Անդրանիկ Գրիգորյանը:

ՀՀ սահմանադրական դատարանը հունվարի 24-ին աշխատակարգային նիստում որոշել է մինչեւ ՙԿուտակային կենսաթոշակների մասին՚ ՀՀ օրենքի 5, 7, 8, 37, 38, 45, 49 եւ 86-րդ հոդվածների սահմանադրականության վերաբերյալե գործի դատաքննության ավարտը կասեցնել ՙԿուտակային կենսաթոշակների մասին՚ ՀՀ օրենքի 76-րդ հոդվածի եւ 86-րդ հոդվածի 3-րդ մասի գործողությունը: Այս մասին ՍԴ մամլո քարտուղար Հովհաննես Պապիկյանը հայտնում է իր ֆեյսբուքյան էջում:    

 Լեռնային Ղարաբաղում նոր պատերազմի համար մի շարք նախադրյալներ են պետք`քաղաքական, ռազմական, տնտեսական: Այդ նախադրյալներն այսօր չկան, այսօր մամուլի ասուլիսի ժամանակ հայտարարել է Հայաստանի պաշտպանության նախարար Սեյրան Օհանյանը:
ՙ

 ՀՀ նախագահ Սերժ Սարգսյանը 185 հազար դոլար է ծախսել կորեական կլինիկայում երիտասարդացման կուրս անցնելու համար, հաղորդում է chosun.com կայքը: 

Հայաստանի հանրապետական կուսակցության անդամներն արդեն ներկայացրել են իրենց դիրքորոշումը ՀՀ երկրորդ նախագահ Ռոբերտ Քոչարյանի հայտարարությունների առնչությամբ, և այդ հարցին վերադառնալու անհրաժեշտություն չկա: Այդ մասին ՀՀԿ Գործադիր մարմնի նիստի ժամանակ հայտարարել է ԱԺ փոխխոսնակ, ՀՀԿ մամուլի քարտուղար Էդուարդ Շարմազանովը:

 Հայաստանի Քաղաքագետների միության նախագահ Հմայակ Հովհաննիսյանը չէր սպասում, որ Սերժ Սարգսյանը կմիջամտի Ռոբերտ Քոչարյանի և վարչապետ Տիգրանբ Սարգսյանի միջև ընթացող «վիրտուալ պատերազմին»:

Հայաստանի և Ադրբեջանի արտգործնախարարներ Էդվարդ Նալբանդյանի և Էլմար Մամեդյարովի փարիզյան հանդիպումը տեղեշարժեր չի արձանագրի ղարաբաղյան հակամարտության կարգավորման գործընթացում: Այս մասին հունվարի 24-ին կայացած մամուլի ասուլիսում հայտարարել է Հայաստանի Քաղաքագետների միության նախագահ Հմայակ Հովհաննիսյանը:

 Ադրբեջանական բանակի կապիտան Էլնուր Ջաֆարովը սպանվել է ոչ թե «հրադադարի ռեժիմի խախտման» հետևանքով, այլ ադրբեջանական դիվերսիայի ընթացքում: Այս մասին է նշված ԼՂՀ պաշտպանության նախարարության հայտարարության մեջ:

 «Դեմ եմ» քաղաքացիական նախաձեռնությունը իշխանության չի ձգտում, և գործում է բացառապես ի շահ քաղաքացիների: Այս մասին է նշվում նախաձեռնության կողմից տարածաց հայտարարության մեջ, որը տեղ է գտել ֆեյսբուքյան էջում:

ՀՀ նախագահ Սերժ Սարգսյանը հրամագիր է ստորագրել, որի համաձայն գեներալ-լեյտենանտ Ռոմիկ Հարությունյանն ազատվել է ՀՀ Ազգային անվտանգության ծառայության տնօրենի առաջին տեղակալի պաշտոնից: Այս մասին է հաղորդում ՀՀ նախագահի մամուլի ծառայությունը

Ամերիաբանկի տնօրենների Խորհրդի ռոտացիան նոր բիզնես-մշակույթի բաղկացուիչ մասն է, որի խորքում էլ պետք է դիտարկվի ռուսաստանյան հայտնի գործարար Ռուբեն Վարդանյանի հրաժարականը բանկի Խորհրդի նախագահի պաշտոնից և բանկի Խորհրդի անդամ դառնալը: «Շանթ» հեռուստաընկերության հետ հարցազրույցում նման կարծիք է արտահայտել ռուսաստանյան հայտնի գործարար, «Գաղափար» ֆոնդի հիմնադիր և ղեկավար Ռուբեն Վարդանյանը, նշելով, որ այդ հարցի պերսոնիֆիկացումը սխալ է, քանի որ բանկն արդեն դարձել է ինստիտուցիոնալ լուրջ կառույց:

Ցանկացած երկրի տնտեսություն ունի իր նեղ պարանոցը, Հայաստանի պարագայում դա տրանսպորտային պրոբլեմն է: «Շանթ» հեռուստաընկերության հետ հարցազրույցում նման կարծիք է արտահայտել ռուսաստանյան հայտնի գործարար, «Գաղափար» ֆոնդի հիմնադիր և ղեկավար Ռուբեն Վարդանյանը, խոսելով «Բաց երկինք» նախագծին, իր մասնակցության պատճառների մասին, որն իրականացվում է McKinsey միջազգային խորհրդատվական խմբի մասնակցությամբ:

Եվրամայդանի իրադարձությունների լարվածությունը ձեռնտու է Կիևի Բանկային փողոցին և Մոսկվայի Սմոլենսկի հրապարակին: Պատասխանելով ԱրմԻնֆո գործակալության թղթակցի հարցին, օնլայն հարցազրույցի շրջանակներում նման կարծիք է արտահայտել ուկրաինական հասարակական-քաղաքական գործիչ Օլեգ Ռիբաչուկը: