Հայաստանի կոմպոզիտորների և երաժշտագետների  միությունը (ՀԿԵՄ) նոր նախագահ ունի: Հոկտեմբերի 26-27 –ին ընթացած ՀԿԵՄ համագումարի արդյունքում ձայների ճնշող մեծամասնությամբ միության նախագահ է ընտրվել Արամ Սաթյանը: Վերջին մի քանի տարիներին ՀԿԵՄ նախագահն էր Ռոբերտ Ամիրխանյանը:

Այսօր կեսօրից հայկական  ինտերնետ ային ցանցերը հզոր DDoS գրոհի են ենթարկվում, ինչի առնչությամբ ինտերնետային կապը երկրում շատ անկայուն է: Ինչպես ԱրմԻնֆոյին հաղորդել է երկրի պրովայդեր ընկերություններից մեկի ղեկավարը, խնդրելով չհրապարակել իր անունը, հայկական ցանցները ենթարկվել են հզոր բաշխված գրոհի: Այժմ միջոցներ են ձեռնարկվում գրոհի աղբյուրների տեղայնացման, չեզոքացման և զտման  ուղղությամբ: Մասնագետներն ակնկալում են երկրում ինտերնետի կայուն աշխատանքի արագ վերականգնում: 

 ՙՀելսինկյան քաղաքացիական ասամբլեա՚ ոչ կառավարական կազմակերպության Վանաձորի գրասենյակի ղեկավար Արթուր Սաքունցը միջազգային և միջպետական կառույցներին, ժողովրդավար պետություններին, քաղաքացիական հասարակության ինստիտուտներին և իրավապաշտպան կազմակերպություններին կոչ է անում չանտեսել ԱՊՀ շրջանակներում առկա գործընթացները:

 Հայկական համայնքը գոհ է Վրաստանի նախագահական ընտրությունների ընթացքից. դրանք ժողովրդավարական ընտրություններ էին, որոնց ժամանակ կեղծարարությունը մոտեցված էր զրոյի, ԱրմԻնֆո-ի թղթակցի հետ զրույցում այդպիսի կարծիք է հայտնել ՙՋավախք՚ հայրենակցական միության ղեկավար Շիրակ Թորոսյանը:

 Իրեն վիրավորվածի պես պահելով`Բաքվի քաղաքական ղեկավարությունը ցույց է տալիս աշխարհում տեղի ունեցող իրադարձություններից կտրվածությունը, եվրոպական ու ամերիկյան առաջնահերթությունների, օրենքի գերակայության անըմբռնողությունը, Turan-ին այդպիսի կարծիք է հայտնել Արտաքին քաղաքականության ամերիկյան խորհրդի անդամ Ուեյն Մերին` մեկնաբանելով Ադրբեջանի հակաարևմտյան հռետորությունը`ի պատասխան նախագահական ընտրությունների ընթացքում խախտումների հետ կապված Վաշինգտոնի քննադատությանը: 

 Հայաստանի ազգային օլիմպիական կոմիտեն չի ընդունում և չի չճանաչում Հայաստանի վոլեյբոլի ֆեդերացիայի նախագահի ընտրության արդյունքները, քանի որ դրանք անց են կացվել մի շարք խախտումներով ու բացթողումներով: Այդ մասին ասվում է Հայաստանի ԱՕԿ տարածած հայտարարության տեքստում, որը տրամադրվել է ԱրմԻնֆո գործակալությանը:

Մաքսային միությանը Թուրքիայի անդամակցության վերաբերյալ իր առաջարկությամբ Ղազախստանի նախագահ Նուրսուլթան Նազարբաևն իրեն սատարած բելառուս պաշտոնակցի օրինակով իր համար բարենպաստ պայմաններ է վաստակում, կարծում է ԱՊՀ երկրների ինստիտուտի ղեկավար Կոնստանտին Զատուլինը:

ՙՄեծ գաղտնիք չէ, որ Ղազախստանը, իրականում, համագործակցում է Ադրբեջանի հետ նավթի և գազի հարցերում: Ընդ որում Նազարբաևը որոշ թերահատությամբ է ընդունել Մաքսային միությանն անդամակցելու Հայաստանի մտադրությունը: Ադրբեջանի համար դա, անկասկած, վատ նորություն էր այն առճակատման ոգով, որն այսօր փաստացի առկա է Ադրբեջանի և Հայաստանի միջև: Սակայն, վերջին հաշվով, հաղթեց Վլադիմիր Պուտինը: Քանզի թե Նազարբաևը, թե Լուկաշենկոն, ով նույնպես առանձին հարաբերություններ ունի Ադրբեջանի հետ, թեկուզ` Բելառուսի պարտքերն Ադրբեջանի հանդեպ, ստիպված էին հրապարակավ ողջունել Մաքսային միությանը Հայաստանի անդամակցումը՚, - հայտարարել է Զատուլինը: Մինչդեռ Հայաստանը, նրա ասելով, հրապարակավ հայտարարություն արեց, ինչի դիմաց, անկասկած, Ռուսաստանի պետք է վարձահատույց լինի, առավել ևս, որ այդ ընտրությունը բնավ դյուրին չէր: Երևանն ընտրություն է կատարել ԵՄ և ՄՄ միջև, և Հայաստանի ղեկավարության հայտարարությունը բուռն քննարկումներ է հարուցել Հայաստանում և դժգոհություն` եվրոպական բյուրոկրատների շրջտանում: Այդպիսով, հայերը բավականին թանկ են վճարել այդ շրջադարձի համար:

ՙՄիևնույն ժամանակ Թուրքիան ոչ մի առիթ չունի Մաքսային միությանն անդամակցելու համար, բացի այն, որ արդեն սկսել է հոգնել ԵՄ անդամակցության հերթում սպասելով: Պատկերացնել, թե Թուրքիան ցանկություն կունենա անդամակցել Մաքսային միությանը, նույնքան դժվար է, ինչպես այն, որ ՆԱՏՕ-ում ի հայտ գա Ռուսաստանին իրենց դաշինքում ըննդգրկելու ցանկություն: Կան տարածաշրջանային ուժեր, որոնք կարող են համագործակցել, սակայն չեն կարող լինել գործընկերներ` կրտսեր եղբոր դերում: Թուրքիան մի երկիր է, որը ցանկանում է դառնալ գլխավոր երկիր իսլամական ախարհում: Ինչպե՞ս կարող Թուրքիան նման նպատակներով անդամակցել միությանը, որը միայն առաջին փուլում է տնտսական խնդիրներ դնում, իսկ հետո պատրաստվում լուծել քաղաքական խնդիրներ` լիազորությունների մի մասը փոխանցելով վերազգային մարմիններին: Թուրքիան և Ռուսաստանը Մաքսային միությունում` դա հեծանիվ է` երկու ղեկով և երկու հեծվորով՚, - ամփոփել է Զատուլինը:

Հոկտեմբերի 24-ին Մինսկում Բարձրագույն եվրասիական տնտեսական խորհրդի նիստում Ղազախստանի նախագահը Ռուսաստանի և Բելառուսի պաշտոնակիցներին առաջարկել էր Թուրքիային ընդունել Մաքսային միություն: Նրա ասելով, նման խնդրանքնով իրեն դիմել է անձամբ Թուրքիայի նախագահը:

 ՙԷըր Արմենիա՚ ավիաընկերությունը ձեռնամուխ է եղել Երևան-Մոսկվա կանոնավոր չվերթների իրականացմանը:

Ինչպես ԱրմԻնֆոյի թղթակցին հաղորդել են ընկերությունում, առաջին կանոնավոր չվերթն իրականացվել է հոկտեմբերի 27-ին` ՙԲոինգ 737-500՚ ինքնաթիռով: Սկզբնական փուլում Երևան-Մոսկվա ուղղությամբ կիրականացվի օրական մեկ չվերթ, իսկ նոյեմբերի 10-ից նախատեսվում է իրականացնել օրական երկուսը չվերթ:

ՙԷըր Արմենիայում՚ հաղորդել են, որ առաջին կանոնավոր չվերթի առանձնահատկությունը եղել է այն, որ Մոսկվայից Երևան է թռել մոսկովյան տուրօպերատորների խումբ` Հայաստանի տեսարժան վայրերին ծանոթանալու համար: Ճանաչողական շրջագայության շրջանակում մոսկվացի տուրօպերատորները կայցելել Ծաղկաձոր, Դիլիջան, Ջերմուկ` դեպի Հայաստան տուրիստական ուղևորություններ կազմակերպելու համար: Ընկերությունում նշել է, որ ներգնա զբոսաշրջության զարգացումը կլինի ավիաընկերության գործունեության առաջնային ուղղություններից մեկը:

Հիշեցնենք, որ ՙԷըր Արմենիա՚ ավիաընկերությունը հոկտեմբերի 23-ին իրականացրել է Դոնի Ռոստով-Երևան առաջին չարտերային չվերթը: Ընկերությունը թույլտվություն ունի իրականացնելու թռիչքներ դեպի Մոսկվա, Սանկտ Պետերբուրգ, Սամարա, Սոչի, Կրասնոդար և Դոնի Ռոստով:

Ինչպես ավելի վաղ լրագրողներին հաղորդել էր ընկերության նախագահ Վահան Հարությունյանը, 2014 թվականի ամռանն ընկերությունը մտադիր է ընդլայնել թռիչքների աշխարհագրությունը և այդ նպատակով նախատեսում է լիզինգով ձեռք բերել լրացուցիչ օդանավեր: Մինչև տարեվերջ ՙԲոինգ 737-500՚-ից բացի նախատեսվում է լիզինգով վերցնել երկու Ա-320 ինքնաթիռ:

Նշենք, որ ՙԷըր Արմենիա՚ ՓԲԸ ստեղծվել է 2003 թվականի ապրիլին և մինչև 2013 թվականն իրականացրել է օդային բեռափոխադրումներ:

ՀՀՇ նախկին անդամներ Ալեքսանդր Արզումանյանը, Արարատ Զուրաբյանը, Կարապետ Ռուբինյանը և Հովհաննես Իգիթյանը որոշել են վերականգնել ՀՀՇ-ն:

Նախագահ Սերժ Սարգսյանը Բելառուսի Հանրապետություն աշխատանքային այցի շրջանակներում այսօր Մինսկում մասնակցել է ԱՊՀ մասնակից պետությունների ղեկավարների խորհրդի նեղ, ապա ընդլայնված կազմով նիստերին:

 ՀՅԴ լուռ ու մունջ իր գործն է անում, և ՀԱԿ խմբակցության պատգամավոր Նիկոլ Փաշինյանը չէ, որ պետք է որոշի, թե ով է ընդդիմություն, և ով` ոչ: Հոկտեմբերի 25-ին խորհրդարանում ճեպազրույցի ժամանակ այդպիսի կարծիք է հայտնել ՀՅԴ խմբակցության քարտուղար Աղվան Վարդանյանը:

 ՙԻմ մայրիկն Ամերիկայում է և հանդիպել է Բաֆֆալո Բիլին՚ ֆիլմը կբացի ReAnimania անիմացիոն ֆիլմերի V միջազգային փառատոնը: Մարկ Բորեալի և Տիբու Շատելի ֆիլմը ժյուրիի հատուկ  հիշատակության է արժանացել Անսիի փառատոնում /Ֆրանսիա/: Ֆիլմի երևանյան ցուցադրությունը պրեմիերա կլինի հետխորհրդային տարածքում:

 Լեռնային Ղարաբաղի վերաբերյալ Եվրախորհրդարանի բանաձևի նախագիծը լուրջ ազդեցություն չի ունենա ղարաբաղյան հակամարտության կարգավորման վրա Սերգեյ Մինասյան: Այս մասին այսօր Երևանում կայացած մամուլի ասուլիսում հայտարարել է Կովկասի ինստիտուտի փոխտնօրեն Սերգեյ Մինասյանը:

Հոկտեմբերի 27-ին կայանալիք նախագահական ընտրությունները քիչ բան կփոխեն: ՙՎրացական երազանքը՚, ամենայն հավանականությամբ, կհաղթի, այնուհետև կհաջորդեն Միացյալ ազգային շարժում կուսակցությունը և Նինո Բուրջանաձեի կուսակցությունը, առցանց հարցազրույցի շրջանակներում, պատասխանելով ԱրմԻնֆո-ի հարցին, այդպիսի կարծիք է հայտնել Կովկասի հետազոտական ռեսուրսների կենտրոնի տնօրեն Կոբա Թուրմանիձեն`կանխատեսելով Վրաստանում առաջիկա նախագահական ընտրությունների արդյունքները:

 Երկրի անկախության ժամանակահատվածում քաղաքաշինությունը Երևանում ոչնչացնում է քաղաքի էկոլոգիան և պատմական հուշարձանները: Այս մասին ԱրմԻնֆո գործակալության հետ զրույցում նշել է ՙՀանուն կայուն զարգացում՚ Ասոցիասիայի ղեկավար Կարինե Դանիելյանը:

Մաքսային միությանը և Միասնական տնտեսական տարածքին Հայաստանի անդամակցության ՙճանապարհային քարտեզը՚ պետք է պատրաստ լինի մինչև Եվրասիական տնտեսական բարձրագույն խորհրդի` դեկտեմբերին կայանալիք գագաթնաժողովը, որը տեղի է ունենալու է Մոսկվայում, հայտարարել է Ռուսաստանի առաջին փոխվարչապետ Իգոր Շուվալովը նախօրեին Մինսկում տեղի ունեցած Եվրասիական տնտեսական բարձրագույն խորհրդի նիստի արդյունքների համաձայն, հաղորդում է ԻՏԱՌ-ՏԱՍՍ-ը: 

Ես արտաքին քաղաքականությունում արմատական փոփոխություններ չեմ սպասում: Վրաստանը հավատարիմ կմնա ԵՄ-ին և ՆԱՏՕ-ին մերձենալու իր  ձգտմանը`զուգահեռաբար փորձելով բարելավել Ռուսաստանի հետ հարաբերությունները, առցանց հարցազրույցի շրջանակներում այդպիսի կարծիք է հայտնել Կովկասի հետազոտական ռեսուրսների կենտրոնի տնօրեն Կոբա Թուրմանիձեն`պատասխանելով ԱրմԻնֆո-ի հարցին, թե Վրաստանի նոր նախագահի պաշտոնավարման ընթացքում ինչ փոփոխությունների կարիք կունենա երկրի արտաքին քաղաքականությունը:

 Թուրքիան կմտնի Մաքսային միություն այն ժամանակ, երբ Ռուսաստանը մտնի ՆԱՏՕ: Հոկտեմբերի 25-ին ՀՀ խորհրդարանում տեղի ունեցած ճեպազրույցում նման կարծիք է արտահայտել ՀՅԴ խմբակցության քարտուղար Աղվան Վարդանյանը, մեկնաբանելով Ղազախստանի նախագահ Ն.Նազարբաևի առաջարկը:

 Եվրոպական հարևանության քաղաքականության վերաբերյալ բանաձևին վերջնական գնահատական կարելի է տալ դրա վերջնական տարբերակի հրապարակումից հետո միայն: Այդ մասին հայտարարել է ԲՀԿ խմբակցության քարտուղար Նաիրա Զոհրաբյանը հոկտեմբերի 25-ին խորհրդարանում կայացած ճեպազրույցում:

 Հանուն ինքնապահպանման Հայաստանի իշխանությունները պատրաստ են զոհաբերել Արցախը: Այդ մասին հայտարարել է ՀԱԿ խմբակցության քարտուղար Արամ Մանուկյանը` հոկտեմբերի 25-ին խորհրդարանում տեղի ունեցած ճեպազրույցում: