Հինգշաբթի, 19 Սեպտեմբերի 2013 16:34
Հայաստանը կարող է
իրական օգուտներ ունենալ Մաքսային միությանը միանալով, մասնավորապես, ռուսական
գազի գների ավելի ցածր սակագներ սահմանելու առումով: Այս մասին այսօր Երևանում
կայացած մամուլի ասուլիսում հայտարարել է EBRD Հարավային Կովկասի, Մոլդովայի և
Բելառուսի գծով տարածաշրջանային տնօրեն Բրունո Բալվաներան (Bruno Balvanera),
պատասխանելով լրագրղների հարցերին:
>>>
|
Հինգշաբթի, 19 Սեպտեմբերի 2013 16:20
Վերակառուցման և Զարգացման Եվրոպական
Բանկի ¥EBRD¤ երևանյան գրասենյակի նոր ղեկավար է նշանակվել Մարկ Դևիսը (Mark
Davis): Այս մասին այսօր Երևանում կայացած մամուլի ասուլիսում հայտարարել է EBRD
Հարավային Կովկասի, Մոլդովայի և Բելառուսի գծով տարածաշրջանային տնօրեն Բրունո
Բալվաներան (Bruno Balvanera):
>>>
|
Հինգշաբթի, 19 Սեպտեմբերի 2013 13:44
Հայաստանի
փոխարտգործնախարար Շավարշ Քոչարյանը տրամաբանական և արդարացված է համարել ԱՆ
ղեկավար Էդվարդ Նալբանդյանի հայտարարությունը, որ Հայաստանը չի կարող Ռուսաստանի
շահերին դեմ գնալ:
>>>
|
Հինգշաբթի, 19 Սեպտեմբերի 2013 11:52
Մաքսային միությունն իրավունքն ու ազատությունն ատող բռնապետերի միություն է: Եվ եթե Հայաստանը միանա այդ կառույցին, չի կարողանա իրականացնել բարեփոխումներ, որոնք կապահովեին մարդու իրավունքների պահպանությունը և ժողովրդավարության ամրապնդումը: Այդ մասին այսօր կլոր սեղանի ընթացքում հայտարարել է Քաղաքական և միջազգային հետազոտությունների հայկական կենտրոնի փորձագետ Ռուբեն Մեհրաբյանը:
Նրա խոսքով, ՄՄ-ին անդամակցելու Երևանի սեպտեմբերի 3-ի որոշումը շոկային որոշում էր`ընդունված Ռուսաստանի ճնշման ներքո: ՙԱյդ որոշումը ղարաբաղյան հակամարտության թեմայով Կրեմլի շահարկումների արդյունք էր: ԵՄ հետ Ասոցացման և ազատ առևտրի գոտու վերաբերյալ համաձայնագրերի նախաստորագրման դեմ արշավ Ռուսաստանն սկսել է Ադրբեջանին հարձակողական սպառազինության մատակարարումներով, այնուհետև այն շարունակվել է ռուս վերլուծաբանների`ղարաբաղյան հակամարտության գոտում ռազմական գործողությունների վերսկսում կանխատեսող մի շարք հայտարարություններով: Ի դեպ, այսօր այդ սպառնալիքներն արդեն հնչում են Բաքվի հասցեին: Նման մեթոդները վկայում են այն մասին, որ իրականում Ռուսաստանը Հայաստանի անվտանգության ոչ թե երաշխավորն է, այլ` գլխավոր սպառնալիքը՚,- նշել է Մեհրաբյանը:
Փորձագետը հավելել է, որ այսօր շատ բան է կախված Ուկրաինայից, ԵՄ հետ Ասոցացման համաձայնագրի ստորագրման գործընթացն ավարտին հասցնելու որոշման հարցում վերջինիս աննկունությունից: ՙՈւկրաինայի բացակայությունը Մաքսային միությունում անիմաստ կդարձնի այդ, ըստ էության, կայսերական միությունը: Կիևի կողմից Ասոցացման համաձայնագրի ստորագրումը կստեղծի աշխարհաքաղաքական նոր իրավիճակ, որը կարող է ձեռնտու լինել նաև Երևանի համար՚,- ամփոփել է Մեհրաբյանը: >>>
|
Հինգշաբթի, 19 Սեպտեմբերի 2013 10:53
Հայաստանն սկսել է Մաքսային միությանն անդամակցության ընթացակարգը:
Սեպտեմբերի 19-ի նիստում ՀՀ կառավարությունը հավանություն է տվել Մաքսային միությանն անդամակցելու նպատակով իրականացվելիք առաջնահերթ միջոցառումների ցանկին, որը ներառում է Մաքսային միությունում գործող փաստաթղթերի և ՀՀ կողմից ստորագրված միջազգային պայմանագրերի գույքագրումը, առևտրի համաշխարհային կազմակերպությունում ՀՀ ստանձնած պարտավորությունների կատարման հետ կապված` Մաքսային միության անդամակցությունից բխող խնդիրների ուսումնասիրությունը, Հայաստանի համար անմիջապես ընդունելի, ընդունման համար որոշակի ժամանակ պահանջող և բանակցման ենթակա նորմերի տարանջատումը, Մաքսային միությանը միանալու համար վավերացման ենթակա միջազգային պայմանագրերի և իրավական ակտերի թարգմանությունը և այլն:
Ինչպես հաղորդում է կառավարության տեղեկատվության և հասարակայնության հետ կապերի վարչությունը, ՀՀ կառավարության աշխատակազմի ղեկավար-նախարարին հանձնարարվել է երկօրյա ժամկետում ՀՀ վարչապետին առաջարկություններ ներկայացնել Մաքսային միությանը ՀՀ միացման գործընթացները համակարգող հանձնաժողովի և համապատասխան ոլորտային աշխատանքային խմբերի ստեղծման վերաբերյալ: >>>
|
Հինգշաբթի, 19 Սեպտեմբերի 2013 08:46
Պատկառելի անհամամասնությունն ապահովագրության պարտադիր և կամավոր տեսակների միջև ՙոչ ճիշտ՚ միտում է: Սեպտեմբերի 18-ին Երևանում ՙՌԵՍՈ՚ ԱԸ նոր գրասենյակի բացման արարողության ժամանակ այդպիսի կարծիք է հայտնել Ռուսաստանի առաջատար ապահովագրական ընկերություններից մեկի` ՙՌԵՍՈ-արանտիայի՚ նախագահ Սերգեյ Սարգիսովը` մեկնաբանելով իրավիճակը հայկական շուկայում:
Նա նշել է, որ իր գլխավորած ընկերության ապահովագրական պորտֆելում ապահովագրության պարտադիր տեսակներին բաժին է ընկնում բոլոր ապահովագների 30 տոկոսը: Նա պարզաբանել է, որ ընկերությունը նման արդյունքի կարողացել է հասնել նաև բազմամյա փորձի շնորհիվ: Մինչդեռ, նշել է նա, Հայաստանի ապահովագրական շուկայի բուռն զարգացումը համընկել է (2 տարի առաջ) երկրում պարտադիր ապահովագրության ինստիտուտի ներդրմանը:
Ս.Սարգիսովը համոզմունք է հայտնել, որ Հայաստանի ապահովագրողները, ընդհանուր առմամբ, և ՙՌԵՍՈ՚ ԱԸ` մասնավորապես, ժամանակի ընթացքում կարող են հասնել ապահովագրության պարտադիր և կամավոր տեսակների օպտիմալ հարաբերակցության: ՙՑանկալի է ոչ միայն զարգանալ, այլև` վաստակել: ՙՌԵՍՈ՚-ն առայժմ չի վաստակում, սակայն զարգանում է: Այդուհադերձ, մենք գոհ ենք զարգացումից, գոհ ենք հայաստանյան դստեր աշխատանքի տեմպերից և որակից: Այսուհետև ընկերությունը կաշխատի նաև տնտեսական արդյունավետության ցուցանիշների ապահովման ուղղությամբ՚, - ասել է նա:
Ս.Սարգիսովը նաև նշել է, որ Հայաստանը ՙփոքր՚ երկիր է` ոչ մեծ շուկայով, ՙուստի շատ մեծ պատրանքներ և ակնկալիքներ չպետք է լինեն՚: ՙՄենք հուսով ենք, որ տարեցտարի պետությունն ավելի մեծ ուշադրություն կտրամադրի ապահովագրությանը, և մարդիկ կսկսեն հասկանալ դրա կարևորությունն ու օգուտը, մասնավորապես, այնպիսի տեսակների, ինչպես, օրինակ, բժիշկների կամ ապրանքն արտադրողների մասնագիտական պատասխանատվության ապահովագրությունը՚, - նշել է նա:
Մեկնաբանելով ԱՊՊԱ տնտեսական արդյունավետությունը` ապահովագրողը նշել է, որ ապահովագրության այդ տեսակի շահութաբերությունը Ռուսաստանում տարեցտարի նվազում է, չի փրկում նաև սակագների բարձրացումը:
Հիշեցնենք, որ ՙՌԵՍՈ՚ ԱԸ հիմնադիրՙՌԵՍՈ-արանտիան՚ Ռուսաստանի խոշորագույն ապահովագրական ընկերություններից մեկն է: Ռուսաստանյան ապահովագրողի հայաստանյան դուստրը շուկա է մուտք գործել 2008 թվականի նոյեմբերին: Ընթացիկ տարվա հունիսին ՙՌԵՍՈ՚ ապահովագրական ընկերությունը ՙՀուսո աստղ-2013՚ արարողության ժամանակ ճանաչվել է ՙՏարվա լավագույն ապահովագրական ընկերություն՚ բժշկական ապահովագրության բնագավառում: >>>
|
Չորեքշաբթի, 18 Սեպտեմբերի 2013 17:12
ՌԵՍՈ ապահովագրական ընկերությունն այսօր հանդիսավորությամբ
նշել է Կոմիտասի պողոտայում իր նոր գրասենյակի բացումը: Ինչպես բացման հանդիսավոր
արարողությանը նշել է ընկերության ղեկավար Սամվել Գրիգորյանը, ընկերությունը,
մշտապես ընդլայնվելով և կատարելագործվելով, կանգնել էր նոր, սեփական և հարմարավետ
գրասենյակ տեղափոխվելու խնդրի առջև, որի ինտերյերը կհամապատասխաներ ընկերության
կորպորատիվ ոգուն: Նա հիշեցրել է, որ ընթացիկ տարում ՌԵՍՈ-ն բացեց նաև
հատուցումնների իրականացման սեփական Կենտրոնը:
>>>
|
Չորեքշաբթի, 18 Սեպտեմբերի 2013 16:44
ՀՀ ԱԺ պատգամավոր, ՀԱԿ խորհրդարանական խմբակցության անդամ, ՀՀ
նախկին վարչապետ Հրանտ Բագրատյանը գտնում է, որ Հայաստանի Մաքսային Միոթյանն
անդամակցելու հարցը պետք է դրվի հանրաքվեի: ՙՀՀ նախագահ Սերժ Սարգսյանը պետք է
խիզախություն ունենա և Հայաստանի Մաքսային միությանն անդամակցելու հարցը դնի
հանրաքվեի՚,-հայտարարել է Բագրատյանն այսօր կայացած մամուլի ասուլիսում: Նա նշել
է, որ հանրաքվեն Մաքսային միությանն անդամակցելու միակ լեգիտիմ ճանապարհն է, որը
դրան կհաղորդի ուժ և նշանակություն:
>>>
|
Չորեքշաբթի, 18 Սեպտեմբերի 2013 14:52
Առէկսիմբանկ - Գազպրոմբանկի Խումբն 2013 թվականի առաջին
եռամսյակում ավելացրել է ֆիզիկական անձանց ժամկետային ավանդների ծավալը 21.4 %-ով,
մինչև 29.8 մլրդ դրամ: Ինչպես ԱրմԻնֆո գործակալությանը տեղեկացվել է Բանկի մամուլի
ծառայությունից, ընդ որում, ռեզիդենտ հանդիսացող ֆիզիկական անձանց ավանդների
ծավալն աճել է 20.6 %-ով, մինչև 23.4 մլրդ դրամ:
>>>
|
Չորեքշաբթի, 18 Սեպտեմբերի 2013 10:39
Ադրբեջանական գերության մեջ հայտնված հայ զինվոր Հակոբ Ինջիղուլյանի նկատմամբ քրեական գործ չի հարուցվի, այսօր Երևանի պետական համալսարանի ուսանողների և պրոֆեսորադասախոսական կազմի հետ հանդիպման ժամանակ այդպիսի կարծիք է հայտնել ՀՀ պաշտպանության նախարար Սեյրան Օհանյանը:
Նախարարն ընդգծել է, որ Ինջիղուլյանը, չկողմնորոշվելով տեղանքում, հայտնվել է ադրբեջանական տարածքում: Այդ երկրի հետ ուղղակի հարաբերությունների բացակայության պատճառով, բնականաբար, պետք է միջամտեր Ադրբեջանում Կարմիր խաչի միջազգային կոմիտեն, և հիմա բանակցություններ են ընթանում նրան հայրենքի վերադարձնելու շուրջ: ՙՀայաստանում երբեք մոլորված զինծառայողներին չեն դատել, և Ինջիղուլյանը բացառություն չի լինի՚,- ընդգծել է նա: Ըստ որում, նախարարը չի բացառել, որ Ինջիղուլյանն Ադրբեջանում ենթարկվել է ճնշումների, ինչի հետևանքով ստիպված է եղել հանդես գալ հակահայկական հայտարարություններով ադրբեջանական ԱՊԱ-ին հարցազրույցի ժամանակ: ՙՆրա ծնողները բազմիցս հայտարարել են, որ որդին գոհ է եղել հայկական զինված ուժերում ծառայությունից, և նման հայտարարությունների պատճառ չի ունեցել՚,- ասել է Օհանյանը:
Նշենք, որ Ինջիղուլյանը գերության մեջ է հայտնվել օգոստոսի 7-ի`լույս 8-ի գիշերը: Հայկական կողմի վկայությամբ, նա մոլորվել է սահմանին ու հայտնվել գերության մեջ: Ադրբեջանական կողմը երկար ժամանակ թույլ չէր տալիս ԿԽՄԿ ներկայացուցիչներին հանդիպել գերու հետ: >>>
|
Չորեքշաբթի, 18 Սեպտեմբերի 2013 10:20
Մաքսային միությանն անդամակցության մասին որոշումը կայացվել է` հաշվի առնելով Հայաստանի ազգային անվտանգությունը: Սեպտեմբերի 18-ին այդպիսի կարծիք է հայտնել Հայաստանի պաշտպանության նախարար Սեյրան Օհանյանը` ԵՊՀ ուսանողների և պրոֆեսորադասախոսական կազմի հետ հանդիպման ժամանակ: Նրա ասելով, նման որոշումները կայացվում են` հաշվի առնելով Հայաստանի և ԼՂՀ սահմանների անվտանգությունը, հետևաբար, դրանք նպատակաուղղված են երկրի անվտանգության ամրապնդմանը: ՙՊետք չէ մոռանալ, որ Ռուսաստանը Հայաստանի ռազմավարական գործընկերն է և ըստ ամենայնի նպաստել է երկրի ռազմատեխնիկական զարգացմանը, մասնավորապես, տարատեսակ ռազմական տեխնիկայի ձեռք բերմանը՚, - հայտարարել է նախարարը: >>>
|
Չորեքշաբթի, 18 Սեպտեմբերի 2013 07:52
Հայաստանը կարող է, վերջին հաշվով, հրաժարվել Մաքսային միությանն անդամակցությունից: Այդ մասին գրում է ՙԺամանակ՚ թերթը:
Վկայակոչելով սեփական աղբյուրները` թերթը նշում է, որ մինչեւ տարեվերջ ստեղծվելու է Մաքսային միությանն անդամակցելու հետ կապված աշխատանքային խումբª հանձնաժողով, որն էլ պետք է ուսումնասիրի այդ կառույցի փաստաթղթերըª կանոնադրությունը, առաջարկվող պայմանները եւ այլն:
ՙԺամանակը՚ նշում է, որ հանձնաժողովն իր ուսումնասիրության արդյունքում հանգելու է այն եզրակացության, որ Մաքսային միությանն անդամակցելը նպատակահարմար չէ Հայաստանի համար, քանի որ առաջարկվող մաքսային դրույքները ձեռնտու չեն մեր տնտեսությանը: >>>
|
Չորեքշաբթի, 18 Սեպտեմբերի 2013 07:43
Ռուսաստանի նախաձեռնած Մաքսային միությանն անդամակցելու Հայաստանի որոշումն էապես չի ազդի ԱՄՆ հետ հարաբերությունների և տարածաշրջանում ԱՄՆ այլ շահերի վրա: Այդ մասին հայտարարել է Հայաստանում ԱՄՆ դեսպան Ջոն Հեֆերնը ՙԱզատություն՚ ռադիոկայանի հետ հարցազրույցում:
ՙԱՄՆ - Հայաստան հարաբերությունները հիմնված են մեր փոխադարձ շահերի վրա, որը, անկեղծ ասածª Հայաստանի հաջողությունն է: Իհարկե, մենք տարածաշրջանում այլ շահեր ևս ունենքª Լեռնային Ղարաբաղի հակամարտության խաղաղ կարգավորում, Թուրքիայի հետ հարաբերությունների նորմալացում, հաշտեցում, և այլ շահեր: Իրանը նույնպես դրանց թվում է: Դրանք Միացյալ Նահանգների շահերն են, որոնք մեզ համար խորապես կարևոր են, սակայն ես չեմ կարծում, որ տեղի ունեցածը որևէ կերպ ազդում է տարածաշրջանում մեր այլ շահերի վրա: Կարծում եմ, ամենամեծ հարցը հնարավոր ազդեցությունն է Հայաստանի ներքին բարեփոխումների վրա՚, - նշել է դեսպանը:
Հեֆերնն ընդգծել է, որ Հայաստանի ղեկավարները թե հրապարակավ, և թե մասնավոր զրույցներում ԱՄՆ-ին և ԵՄ-ին վստահեցրել են, որ մտադիր են շարունակել բարեփոխումների գործընթացը: ՙԵվ մենք շարունակելու ենք հնարավորինս խթանել, առաջ մղել, խրախուսել և աջակցել այս պրոցեսը՚, - ասել է նա: ՙՀայաստանն ինքն է ընտրում իր ուղինª լինելով սուվերեն պետություն, և մենք էլ շարունակելու ենք անել այն, ինչ անում էինք՚, - ավելացրել է դեսպանը:
Ռուսաստանի, Ղազախստանի և Բելառուսի կառավարությունները սուր քննադատության են ենթարկվել Վաշինգտոնի կողմից մարդու իրավունքները չպահպանելու համար: Հայաստանի քաղաքացիական հասարակության ակտիվիստները կարծում են, որ այդ միությանն անդամակցելը Հայաստանին ոչ մի լավ բան չի խոստանում ժողովրդավարության առումով:
Հեֆերնը հայտարարել է, թե Սարգսյանի կառավարությունն ՙիրական բարեփոխումներ է իրականացնում որոշ հիմնական հատվածներում՚, ինչպես` պետական գնումները: Սակայն, նրա ասելով, պետք է ավելին անել կոռուպցիայի դեմ պայքյարի, օրենքի գերակայության, երկրում բիզնես միջավայրի բարելավման համար: ՙՊետք է հավասար պայմաններ ստեղծվեն օտարերկրյա և հայրենական ներդրողների համար՚, - ասել է նա:
Սեպտեմբերի 2-ին, այն բանից մեկ օր առաջ, երբ Մաքսային միությանն անդամակցելու մասին անսպասելի հայտարարությամբ Սերժ Սարգսյանը, փաստորեն, չեղյալ հայտարարեց Եվրամիության հետ նախկին պայմանավորվածությունները, Հեֆերնը ողջունել էր ԵՄ հետ ասոցացման համաձայնագիր նախաստորագրելու Երևանի ծրագրերը: ՙԵս անկեղծորեն ասել եմ, որ ԵՄ-ի հետ Ասոցացման գործընթացը օգտակար կլինի Հայաստանի համար: Եվ ես դա պատահաբար չեմ արել, որովհետև ես համոզված եմ եղել, և շարունակում եմ մնալ այն կարծիքին, որ արևմտյան գործընկերները օգտակար կլինեն Հայաստանի համար, և դեպի Եվրամիություն ճանապարհը կարող էր լինել այն ուժը, որը Հայաստանին կտաներ ճիշտ ուղղությամբª ժողովրդավարության, կառավարման և օրենքի գերակայության ոլորտներում: Ես այժմ էլ մնում եմ այդ կարծիքին: Բայց մյուս կողմից, Հայաստանն ինքն է ընտրում իր ուղին, և Մաքսային միությունում չկա որևէ բան, ինչը կխանգարեր Հայաստանին կատարելու բոլոր կարևորագույն ոլորտներում այն բարեփոխումները, որ հրապարակավ խոստացել են իրականացնել երկրի նախագահը, վարչապետը և մյուսները՚, - հայտարարել է ԱՄՆ դեսպանը: >>>
|
Չորեքշաբթի, 18 Սեպտեմբերի 2013 07:37
2002–2013 թվականների ընթացքում ՀՀ տարածքում գազամատակարարման վերականգնման և գազաֆիկացման ծրագրի շրջանակներում ՙՀայՌուսգազարդ՚ ընկերության կողմից հանրապետության 998 բնակավայրերից գազաֆիկացվել է 591-ը, որից 546-ըª գյուղական եւ 45-ը քաղաքային: Ինչպես նշվում է ընկերության հաղորդագրությունում, գազաբաշխման համակարգին է միացել 644 448 բաժանորդ, որից 345 547 բազմաբնակարան շենքերում եւ 298 901-ըª բնակելի տներում:
Հիշեցնենք, մինչեւ 1993 թվականը Հայաստանում գազաֆիկացված է եղել 388 բնակավայր եւ գազից օգտվելու հնարավորություն է ունեցել 485 405 տնտեսություն: >>>
|
Երեթշաբթի, 17 Սեպտեմբերի 2013 14:33
Հոկտեմբերի 1-12-ը Երևանում տեղի կունենա HighFest XI
միջազգային թատերական փառատոնը:
>>>
|
Երեթշաբթի, 17 Սեպտեմբերի 2013 14:00
Նախագահ Սերժ Սարգսյանը ցավակցական հեռագիր է հղել
աֆէսճեանների ընտանիքինª ազգային բարերար Ջերարդ Լ. Գաֆէսճեանի մահվան
կապակցությամբ, տեղեկացնում է ՀՀ նախագահի մամլո գրասենյակը:
>>>
|
Երեթշաբթի, 17 Սեպտեմբերի 2013 12:58
Մաքսային միությանը
Հայաստանի առաջիկա անդամակցությունը եվրասիական ինտեգրման կողմնակիցների և
հակառակորդների միջև բուռն բանավեճերի առիթ է հանդիսացել: Ռուսասերների գլխավոր
փաստարկը Ռուսաստանի անայլընտրանքայնությունն է`որպես Հայաստանի ազգային անվտանգության
երաշխավոր: Ձեր կարծիքով, որքանո±վ Հայաստանի մաքսային հեռանկարները կամրապնդեն
մեր անվտանգությունը: >>>
|
Շաբաթ, 14 Սեպտեմբերի 2013 11:32
Հայաստանի և ԵՄ
միջև քաղաքական գործընթացները կրթական համագործակցության վրա պետք է ազդեցություն
չունենան: Այդ մասին հայտարարել է Եվրոպական հանձնաժողովի կրթության, մշակույթի,
լեզվական բազմազանության և
երիտասարդության հարցերով հանձնակատար Անդրուլա Վասիլիուն ՀՀ կրթության և
գիտության նախարար Արմեն Աշոտյանի հետ հանդիպման ժամանակ: >>>
|
Շաբաթ, 14 Սեպտեմբերի 2013 09:45
Մաքսային միությունը ՙհետամնաց ծայրագավառ է՚, ուստի Եվրամիության և այդ կազմավորման միջև ընտրությունն Ուկրաինայի համար ավելի քան ակնհայտ է: Այդպիսի կարծիք է հայտնել ուկրաինացի փորձագետ, քաղաքական խորհրդատու Ալեքսանդր Պալին, ում համոզմամբ, Մաքսային միությունը ոչ մի օգուտ չի բերում Ուկրաինային, հաղորդում է Gazeta.ua-ն:
ՙՄաքսային միությունը դեգրադացվող, ֆեոդալական տնտեսությունների միավորում է, որոնցում պաշտպանված չեն մարդու, քաղաքացու իրավունքները, որոնք ոչինչ չեն ներմուծում համաշխարհային նորարարությունում՚, - նշել է փորձագետը: Մինչդեռ Եվրամիությունը, նրա ասելով, իրենից ներկայացնում է առաջադեմ տնտեսական հարաբերություններ: ՙԵթե նայենք, թե ինչ է Եվրամիությունը, ապա դա խոշոր կենտրոն է, որը կազմում է համաշխարհային ՀՆԱ շուրջ 23 տոկոսը, մինչդեռ Մաքսային միությունը` հազիվ 3 տոկոսը՚, - նշել է վերլուծաբանը: Նա ընդգծել է, որ ԵՄ և ՄՄ միանգամայն անհամեմատելի են: ՙՄի կենտրոնը ողջ աշխարհին մշակութային, քաղաքական, տնտեսական ստանդարտներ է առաջարկում` սկսած 19-րդ դարից, իսկ մյուսը, պարզապես, ՙհետամնաց ծայրագավառ է՚, - նշել է ուկրաինացի փորձագետը: >>>
|
Շաբաթ, 14 Սեպտեմբերի 2013 08:05
Արտգործնախարար Էդվարդ Նալբանդյանը Մոլդովայի փոխվարչապետ, Ա եւ եվրոպական ինտեգրման նախարար Նատալիա երմանի հետ քննարկել է երկու երկրների միջև իրավապայմանագրային դաշտի ընդլայնման հարցեր:
Ինչպես ԱրմԻնֆո գործակալությանը հաղորդեցին Հայաստանի ԱՆ մամուլի, տեղեկավության և հասարակայնության հետ կապի վարչությունից, հանդիպմանը քննարկվել է հունիսի 11-12 ՀՀ նախագահի Մոլդովա կատարած այցի արդյունքում ձեռք բերված պայմանավորվածությունների իրականացման ընթացքը եւ այդ ուղղությամբ Երեւանի եւ Քիշնեւի կողմից ձեռնարկվելիք համատեղ քայլերը: Նախարարներն անդրադարձել են նաև միջազգային կազմակերպություններում փոխգործակցության զարգացման, արտաքին գործերի նախարարությունների միջեւ խորհրդատվությունների անցկացման, առեւտրատնտեսական կապերի ակտիվացման, մշակութային փոխանակումների խթանման, ինչպես նաեւ միջազգային եւ տարածաշրջանային ձեւաչափերում իրականացվող համագործակցությանն առնչվող հարցերին: Երկուստեք բարձր է գնահատվել վերջին շրջանի հայ-մոլդովական հարաբերություններում առկա դրական զարգացումները, որոնք հնարավորություն են տալիս նոր լիցք հաղորդելու երկկողմ համագործակցությանը£ >>>
|