Դեկտեմբերի 22-ին ՊԲ հարավային ուղղությամբ տեղակայված մարտական դիրքերում, ծառայողական պարտականությունները կատարելու ընթացքում, հակառակորդի կողմից արձակված կրակոցներից թեթև հրազենային վիրավորում են ստացել զինծառայողներ, 1994թ. ծնված Հովհաննես Ժորայի Դավթյանը և 1994թ. ծնված Էրիկ Սլավիկի Կարապետյանը:

2013 թվականին Ռոստելեկոմ ընկերությունը Հայաստանի շուկայում իր ներկայության մեկ տարում, իր դուստր ընկերության` GNC-ALFA ՓԲԸ միջոցով, ներդրել է մոտ 15 մլն.դոլար: Այս մասին դեկտեմբերի 23-ին կայացած տարեկան ամփոփիչ մամուլի ասուլիսում հայտարարել է GNC-ALFA ՓԲԸ գլխավոր տնօրեն Հայ Ֆարմազյանը:

Թեղուտ՚ փակ բաժնետիրական ընկերությունը (այսուհետ՝ Ընկերություն) կազմակերպում է հանդիպում Թեղուտի լեռնահարստացուցիչ կոմբինատի շինարարության և պղինձ-մոլիբդենային հանքավայրի շահագործման ծրագրի (այսուհետ՝ Ծրագիր) շահառուների հետ, որին հրավիրվում են մասնակցելու ծրագրի շահառուների բոլոր խմբերի ներկայացուցիչները՝ յուրաքանչյուր անձ և (կամ) կազմակերպություն, որի վրա Ծրագիրը կարող է ունենալ ուղղակի կամ անուղղակի որևէ ազդեցություն և (կամ) որը Ծրագրի հետ կապված շահեր և (կամ) գործառույթներ ունի և (կամ) որևէ կերպ կարող է ազդել Ծրագրի իրականացման վրա:

Հայաստանի հանրապետական կուսակցության խորհրդարանական խմբակցությունը ՌԴ հետ ՙգազային համաձայնագրերի՚ վավերացման շուրջ քվեարկության արդյունքներն ՙանցկացնելու՚ միջոցներ է փնտրում: Ինչպես լրագրողներին հայտարարել է խմբակցության քարտուղար Հովհաննես Սահակյանը, ՀՀ ԱԺ հաշվիչ հանձնաժողովն ավելի ուշ կներկայացնի համապատասխան արձանագրությունը:

 ՎՏԲ–Հայաստան Բանկը հայտարարում է ակցիա իր բոլոր հաճախորդների համար, ովքեր 2013թ. դեկտեմբերի 23-ից մինչև 2014թ. մարտի 31-ը ներառյալ ապառիկ վարկավորման միջոցով ձեռք կբերեն ապրանքատեսակներ Բանկի հետ համագործակցող բոլոր գործընկեր-կազմակերպություններից:

 Այսօր՝ դեկտեմբերի 23-ին տեղի ունեցած ՏՄՊՊՀ նիստում որոշվեց պատասխամատվության միջոց կիրառել տաքսի ծառություն մատուցող 16 ընկերությունների հանդեպ՝ անբարեխիղճ վարքագիծ դրսևորելու համար: 
Օրինախախտ տաքսի ծառայությունների անվանումներն են. «Փինկե, «Տաքսի Պրեստիժե,  «Տաքսի Մանանդե, «Տաքսի Դե Լյուքս Սիթիե, «Այգեձորե, «Մեծն Կայզերե, «Հույսի Քարավանե, «Զոլոտոյ Դյուկե «Հ.Ա.Ս.Գ. Տրանսե, «Կապոլլոե, «Խասուրո Գրուպե, «Էդ Ընդ Էմիե, «Զեթ Ընդ Զեթե, «Գոլդուեյե, «Արեգ-Նարեկե, ԱՁ Վ. Հովհաննիսյան:                   
6 կմ  համար սահմանված ուղեվարձով՝ ընդամենը 2 կմ. Տաքսի ծառայություններից շատերը մոլորեցնում են ուղևորներին
Հանձնաժողովը սեփական նախաձեռնությամբ, ինչպես նաև մի քանի տաքսի ծառայությունների վարքագծի վերաբերյալ դժգոհությունների հիման վրա լայնածավալ ուսումնասիրություն է իրականացրել նշված ոլորտում: Տևական ժամանակ Հանձնաժողովի մասնագետները, օգտվելով այս կամ այն տաքսի ծառայությունից,  բացահայտել են խաբեության տասնյակ դեպքեր: Այսպես, մեքենաների ներսում տեղադրված տաքսոմետրի վրա, 1 կմ գին որպես կանոն նշված է 100 դրամ, իսկ ծառայության համար նվազագույն պարտադիր վճար՝ 600 դրամ, որը ենթակա է փոփոխման՝ սկսած 6 կիլոմետրից: Հարուցված վարչական վարույթի ընթացքում պարզվել է, որ  ուղևորափոխադրման ընթացքում  տաքսոմետրի վրա նշված 600 դրամ նվազագույն պարտադիր վճարը փոփոխվում է՝ արդեն սկսած 2,1 կմ-ից, ինչպես օրինակ  «Փինկե տաքսի ծառայության դեպքում: Նման կերպ, Հանձնաժողովի մասնագետները պարզել են, որ, ասենք, ««Տաքսի Մանանդե, «Մեծն Կայզերե, «Էդ Ընդ Էմիե և «Կապոլլոե  տաքսիների  դեպքում նվազագույն պարտադիր վճարը 6 կմ-ի փոխարեն փոխվում է 4,1 կմ-ից:  Մի շարք դեպքերում էլ ուղևորները ընդհանրապես տեղեկացված չեն եղել տաքսի ծառայության սակագներից, քանի որ ինչպես օրինակ «Զոլոտոյ Դյուկիե դեպքում ավտոմեքենայի արտաքին մասում և սրահում սակագնի և այլ պայմանների մասին որևէ տեղեկատվություն չի նշվել: Մեքենայի ներսում առկա չի եղել նաև տաքսոմետր: Ստացվում է, որ 1 կմ-ի համար սահմանված ուղեվարձը իրականում ոչ թե 100 դրամ է, ինչպես հայտարարվում է վերջինների կողմից, այլ՝ 120-ից 150 դրամ: 
Սպառողին մոլորեցումը պատժելի է օրենքով 
Օրենքի խախտման փաստն այս դեպքում ակնհայտ է. ընկերությունների  կողմից ուղևորափոխադրման ծառայությունների մատուցման ընթացքում ծառայության արժեքի և բոլոր էական պայմանների վերաբերյալ լիարժեք տեղեկություններ սպառողներին չեն ներկայացվել, ինչը «Տնտեսական մրցակցության պաշտպանության մասինե ՀՀ օրենքի խախտում է: 
Հանձնաժողովը համեմատաբար մեղմ մոտեցում դրսևորեց՝ հաշվի առնելով հիմնականում 2 հանգամանք.
1. Որպես օրինախախտ, ընկերությունները առաջին անգամ են հայտնվում ՏՄՊՊՀ դիտակետում 2. Ռեսուրսների  սահմանափակության պատճառով ուսումնասիրությունը կատարվել է ընտրանքային կերպով.   խախտումներ է բացահայտվել բոլոր այն ընկերությունների մոտ, որտեղ անցկացվել են դիտանցումներ: Սակայն,միայն Երևան քաղաքում գործում են հարյուրավոր տաքսի ծառայություններ: Հետևաբար այն ընկերությունները, որոնք Հանձնաժողովի տեսադաշտում չեն հայտնվել, ստացվում է, որ դուրս են մնում պատասխանատվությունից: Այլ կերպ ասած՝ Հանձնաժողովի նման մոտեցումը պայմանավորված է նաև նրանով, որ տնտեսվարողների հանդեպ չկիրառվի  խտրական մոտեցում:   ՏՄՊՊՀ-ը շարունակելու է ուսումնասիրությունները այս ոլորտում և լինելու է հետևողական, որպեսզի խախտումները վերացվեն: Այնուհանդերձ, ուսումնասիրելով նաև միջազգային փորձը, Հանձնաժողովը գտնում է, որ, օրենսդրությամբ պետք է սահմանվեն հստակ պահանջներ, որոնք կպարտադրեն, որպեսզի տաքսի ծառայությունները լիարժեք և ամբողջական տեղեկատվություն տրամադրեն իրենց պատվիրատուներին: Այլապես ստացվում է, որ ծառայության արժեքը հայտարարվում է 1 կմ-ի համար 100 դրամ, սակայն այլ չհրապարակվող պայմանների հետևանքով 1 կմ- ի գինը իրականում դառնում է շատ ավելի: Հանձնաժողովն այս ուղղությամբ իր առաջարկները այսօր արդեն կուղարկի ՀՀ տրանսպորտի և կապի նախարարություն՝ համապատասխան օրենսդրական փոփոխություններ կատարելու նպատակով: 

Երևանի կենտրոնի կառուցապատումն իրականացվում է բիզնեսի շահերին համապատասխան, նշել է «Հանուն կայուն  զարգացման» ասոցիացիայի ղեկավար Կարինե Դանիելյանը դեկտեմբերի 23-ի մամուլի ասուլիսում:

Լեռնային Ղարաբաղի հակամարտության կարգավորումը շարունակում է մնալ Հայաստանի արտաքին քաղաքականության գլխավորագույն հարցերից մեկը: Այդ մասին դեկտեմբերի 23-ին հայտարարել է «Եվրոպական ինտեգրացիա» ՀԿ նախագահ Կարեն Բեքարյանը`  ամփոփելով տարվա արդյունքները:

ՀԱԿ, «Ժառանգություն», ՀՅԴ և ԲՀԿ ոչ իշխանամետ կուսակցությունները Սահմանադրական դատարանում կբողոքարկեն Ռուսաստանի հետ «գազային համաձայնագրերի» վավերացման շուրջ քվեարկության արդյունքները: Այդ մասին դեկտեմբերի 23-ին հայտարարել է ՀԱԿ խմբակցության ղեկավար Լևոն Զուրաբյանը` ընթերցելով 4 կուսակցությունների հայտարարությունը: Նա նշել է, որ «գազային համաձայնագրերի» վավերացման շուրջ ձեռքով քվեարկության ընթացքում տեղի են ունեցել խախտումներ, հետևաբար այն չի կարող լինել կայացած:

 Առաջիկա 4 տարում չեն լինի կուսակցություններ կամ անհատներ, որոնք ի զորու են դիմակայել Հայաստանի իշխանություններին: Դեկտեմբերի 23-ի մամուլի ասուլիսում այդ մասին հայտարարել է Կովկասի ինստիտուտի տնօրեն, քաղաքագետ Ալեքսանդր Իսկանդարյանը:

 Հայաստանի խորհրդարանի ոչ իշխանամետ պատգամավորները բոյկոտել են «ՀայՌուսգազարդի» Հայաստանի բաժնեմասի հանձնման վերաբերյալ համաձայնագրի վավերացման հարցի շուրջ քվեարկությունը:

ՀԱԿ կուսակցության առաջնորդ, Հայաստանի  առաջին նախագահ Լևոն Տեր-Պետրոսյանը նշել է Հայաստանում «Եվրոմայդանի» անհնարինության երեք պատճառները: ՀԱԿ հանրապետական խորհրդի դեկտեմբերի 21-ի նիստում իր ելույթում Տեր-Պետրոսյանը, մասնավորապես, հայտարարել է, որ այդ           պատճառներից առաջինն ու գուցե ամենահիմնականը պատմական է։ «Հակառուսական տրամադրված որոշ անհատների եւ մարգինալ տարրերի մշտակա առկայությամբ հանդերձ, Հայաստանում հակառուսականություն, որպես երեւույթ, երբեւէ գոյություն չի ունեցել եւ հիմա էլ գոյություն չունի։ Անկախ նրանից՝ տվյալ կատեգորիկ պնդումը ոմանց դուր կգա, թե ոչ, մենք գործ ունենք մի անհերքելի իրողության հետ, որի ակունքները պետք է փնտրել բացառապես հայ ժողովրդի ոչ հեռավոր պատմության ծալքերում։

Դեկտեմբերի 23-26-ը Հայաստանի տարածքում սպասվում է առանց տեղումների եղանակ: Արարատյան դաշտում և նրա նախալեռներում սպասվում է մառախուղ: Քամին արևմտյան` 1-5մ/վրկ: Օդի ջերմաստիճանը 23-25-ին, բացառությամբ Արարատյան դաշտի, աստիճանաբար կբարձրանա 3-4 աստիճանով: Այդ մասին հաղորդում է Հայհիդրոմետկենտրոնը:

Անցած աշնանը Հայաստանի հնագույն բանկերից մեկում՝ Անելիք Բանկում տեղի ունեցավ բաժնետերերի փոփոխություն, և բանկի բաժնետոմսերի ամբողջական փաթեթն անցավ լիբանանյան CreditBank-ին: Բանկում տեղի ունեցավ նաև ղեկավարության փոփոխություն, այն գլխավորեց Ներսես Կարամանուկյանը, ով նախկինում զբաղեցնում էր Արդշինինվեստբանկի, իսկ այնուհետև երկրի լեռնահումքային ընկերություններից մեկի՝ «Լիդիան Ինտերնեյշնլ»-ին պատկանող «Գեոթիմ» ընկերության ղեկավարի պաշտոնը: Այս ամենը վկայում է նոր ղեկավարի մասնագիտական բազմաբնույթ փորձի մասին, ինչը բանկի համար կստեղծի մրցակցային առավելություններ երկրի տնտեսության իրական հատվածի պրոբլեմները և կարիքները հասկանալու առումով:

Ինչո՞վ է Ձեզ հիշվեց անցնող 2013 թվականը:

 Դժվար է խոսել Թուրքիայի մասին`ինչպես մի երկրի, որն ինչ-որ բան կորցնում է: Թուրքական հանրապետության կազմավորման հարյուրամյակին այդ պետությունը մտադիր է տնտեսական և աշխարհաքաղաքական առումով աշխարհի ամենազարգացած երկրների տասնյակի մեջ մտել, առցանց հարցազրույցի շրջանակներում այդպիսի կարծիք է հայտնել Ռազմավարական հետազոտությունների ռուսաստանյան ինստիտուտի ավագ գիտաշխատող Արթուր Աթաևը`պատասխանելով ԱրմԻնֆո-ի հարցին: 

  Կայսերական Ռուսաստանի ժամանակներից ի վեր Հայաստանը  հիմնական ռազմաքաղաքական և աշխարհաքաղաքական սահման է, ուստի Ռուսաստանի հզորացումը երկրի ռազմաքաղաքական հզորության օրինաչափ արդյունք է: Սակայն այստեղ կարևոր է մեկ առանցքային պահ. Հայաստանը Ռուսաստանի ռազմավարական դաշնակիցն է, իսկ դաշնակիցներից մեկի հզորացումն ամրապնդում է մյուսի դիրքերը: Այդպիսի կարծիք է հայտնել Ռուսաստանի ռազմավարական հետազոտությունների ինստիտուտի ավագ գիտաշխատող Արթուր Աթաևը` առցանց հարցազրույցի շրջանակում պատասխանելով Հայաստանում ՌԴ ռազմական ներկայության ամրապնդմանն առնչվող ԱրմԻնֆոյի հրացին:

Հայաստանի հաղորդակցությունների շուկայում ԱրմենՏել-ի, ՎիվաՍելի-ի, Ռոստելեկոմի,  Յուկոմի և նման համեմատաբար խոշոր խաղացողներից բացի տեղ է մնում նաև ՓՄՁ բիզնեսի ներկայացուցիչների համար: Հատկապես կարևոր է, որ նրանցից շատերն աշխատում են մարզերում, իրենց գործունեությամբ փակելով այն «բացերը», որոնք արդյունավետության տեսանկյունից այնքան էլ չեն հետաքրքրում խոշորներին: Նման ընկերություններից է Արմավիրի մարզում գործող «Արփինետ» փրովայդերական ընկերությունը, որը հանդիսանում է դեպի հաճախորդները կողմնորոշում ունեցող ընկերությա վառ օրինակ, տրամադրում է ինտերնետ ծառայություններ և պատրաստվում է դուրս գալ նաև IP-հեռուստատեսության հատված:

Իրավիճակի շարունակությունը,  երբ Հայաստանի անվտանգությունը երաշխավորում էր Ռուսաստանը, իսկ Երևանը տնտեսական և քաղաքական սերտ համագործակցություն էր ծավալում Եվրոպայի հետ, այսօր անհնար է: Փոխվել է աշխարհաքաղաքականությունը, իրավիճակը տարածաշրջանում, և ամենագլխավորը`փոխվել է Ռուսաստանը, այդպիսի կարծիք է հայտնել ՙՆորավանք՚ հիմնադրամի ավագ փորձագետ Սերգեյ Սարգսյանը: 

 ՌԴ, Բելառուսի և Ղազախստանի նախագահները դեկտեմբերի 24-ին Եվրասիական տնտեսական բարձագույն խորհրդի նիստի ընթացքում կքննարկեն Միասնական տնտեսական տարածության և Մաքսային միության անդամ պետությունների ինտեգրացիոն փոխգործակցության ուղղությունները: Այդ մասին հաղորդում է Կրեմլի կայքը: