Ստոկհոլմի Միջազգային խաղաղության հարցերով հետազոտական ինստիտուտում արտգործնախարար Էդվարդ Նալբանդյանի ելույթին Ադրբեջանի ԱԳՆ արձագանքը վերստին ցույց է տալիս փաստարկների լիակատար բացակայությունը: «Թվիթերի» իր միկրոբլոգում այդ մասին գրել է Հայաստանի ԱԳՆ մամլո խոսնակ  Տիգրան Բալայանը:

«Հայաստան» համահայկական հիմնադրամի ամենամյա հեռուստամարաթոնի արդյունքում նոյեմբերի 27-ի ժամը 20:00-ից մինչև նոյեմբերի 28-ի 08:00-ն հավաքվել է շուրջ 12 399 550  դոլար:

Հայ իրավապաշտպան Լաուրա Բաղդասարյանը բաց նամակ է հղել անազատության մեջ գտնվող ադրբեջանցի իրավապաշտպան Լեյլա Յունուսին, ում առողջական վիճակը վերջին օրերին կտրուկ վատացել է:

 Երևանի քաղաքապետարանի և  Փորձաքննությունների ազգային բյուրոյի միջև համաձայնություն է ձեռք բերվել առաջիկայում համագործակցության վերաբերյալ պայմանագրի ստորագրման շուրջ: Ինչպես ԱրմԻնֆո-ին հաղորդել է Փորձաքննությունների ազգային բյուրոյի մամուլի պատասխանատու Լանա Մշեցյանը, այդպիսի պայմանավորվածություն է ձեռք բերվել այսօր Երևանի քաղաքապետ Տարոն Մարգարյանի Բյուրո աշխատանքային այցի ընթացքում:

«Ադրբեջանում Թուրքիայի դեսպանն ինձ ճիշտ չի մեկնաբանել, ես խորհուրդներ չեն տվել և երբեք չէի տա»: Այդ մասին հայտարարել է Հայաստանում Գերմանիայի դեսպան Ռայներ Մորելը ԱրմԻնֆո-ի թղթակցի հետ զրույցում` մեկնաբանելով իր թուրք գործընկեր Իսլմայիլ Ալփեր Ջոշքունի այն հայտարաությունը, թե գերմանացի դիվանագետն իրավունք չունի խորհուրդներ տալ Անկարիային:

«Զվարթնոց» օդանավակայանում պայթուցիկ սարք չի հայտնաբերվել:

ՀՀ երկրորդ նախագահ Ռոբերտ Քոչարյանը Ժնևում ԲՀԿ առաջնորդ Գագիկ Ծառուկյանի հետ չի հանդիպել: Այդ մասին ԱրմԻնֆո-ի թղթակցի հետ զրույցում հայտնել է Ռոբերտ Քոչարյանի գրասենյակի ղեկավար Վիկտոր Սողոմոնյանը: 

 Ամերիաբանկն Orange ընկերության հետ համատեղ հայտարարում է Orange-ի բաժանորդների համար առցանց (ինտերնետում) վճարումներ իրականացնելու ծառայության մեկնարկը: 

Ինչպես ԱրմԻնֆո-ին հայտնել են բանկի մամուլի ծառայությունում, Orange ընկերության հաճախորդներն այսուհետ կարող են բոլոր ծառայությունների համար վճարումներ կատարել առցանց` ArCa, MasterCard և Visa բանկային քարտերով։ Առցանց վճարումներն իրականացվում են www.orangearmenia.am կայքի միջոցով և անմիջապես փոխանցվում բաժանորդի հաշվեկշռին։

Նշենք, որ բաժանորդը կարող է իրականացնել վճարումներ ցանկացած բանկի ArCa, MasterCard կամ Visa քարտով: Կիրառվող VbV (Verified by VISA) և SecureCode (3D Secure MasterCard) տեխնոլոգիաներն ապահովում են առցանց գործարքների իրականացման անվտանգության բարձր մակարդակ:
ՙOrange-ի և Ամերիաբանկի համատեղ այս նախագիծը ևս մեկ լուրջ քայլ է Հայաստանում էլեկտրոնային կոմերցիայի զարգացման գործում,- նշում է Ամերիաբանկի ՏՏ և ավտոմատացման վարչության պետ, ծրագրի համակարգող Բենիամին Թադևոսյանը,- առցանց առևտուր իրականացնող կայքերում ArCa, MasterCard և Visa քարտերով վճարումների ընդունման կազմակերպումը և հետագա սպասարկումը հեշտացնելու նպատակով մենք մշակել ենք ծրագրային գործիք՝ vPOS (վիրտուալ տերմինալ), որը կարող է արագ տեղադրվել ինտերնետային կայքում` առանց մեծածավալ ծրագրավորման և կարգաբերումների անհրաժեշտության՚:

 Երևանի <Նաիրիտ> գործարանի ճակատագիրը կորոշվի աուդիտից հետո, որը կանցկացնեն Համաշխարհային բանկի փորձագետները: Այդ մասին նոյեմբերի 27-ին արդեն 18 ամիս աշխատավարձ չստացող գործարանի աշխատակիցների հետ բանակցությունների ընթացքում հայտարարել է էներգետիկայի և բնական պաշարների նախարար Երվանդ Զախարյանը, ում խոսքերն ԱրմԻնֆո-ի թղթակցի հետ զրույցում վկայակոչել է գործարանի մամւոլի ծառայության ղեկավար Անուշ Հարությունյանը: Նա, մասնավորապես, նշել է, որ 2015 թվականի փետրվարին ձեռնարկություն կայցելի ՀԲ փորձագետների խումբը, որն էլ կանցկացնի աուդիտը: Հետազոտությունների արդյունքում էլ կորոշվի գործարանի հետագա ճակատագիրը:

Ղարաբաղյան հակամարտության գոտում լարվածությունը ձեռնտու է ամենից առաջ Ադրբեջանին, քանի որ վերջինս հանդես է գալիս գոյություն ունեցող ստատուս-քվոյի փոփոխման օգտին, որն ինքը չի ճանաչում: Այդ մասին ՙДень-ТВ՚  հեռուստաընկերությանը հարցազրույցում հայտարարել է ԱՊՀ երկրների ինստիտուտի տնօրեն Կոնստանտին Զատուլինը:

Ուկրաինայում Ադրբեջանի դեսպանությունը բողոք է հայտնել հանրապետության արտաքին քաղաքական գերատեսչությանը նոյեմբերի 23-ին <1+1> հեռուստաալիքով հեռարձակված ծրագրի առնչությամբ, որը նվիրված էր Լեռնային Ղարաբաղի հակամարտությանը: Այդ մասին հաղորդում է Lenta.ru-ն:

 <Բաց երկնքի> քաղաքականությունը Հայաստանին պարտադրվել է Արժույթի միջազգային հիմնադրամի և Համաշխարհային բանկի կողմից: Նոյեմբերի 27-ին մամուլի ասուլիսում այդպիսի համոզմունք է հայտնել ՀՀ քաղաքացիական ավիացիայի գլխավոր վարչության նախկին պետ Շահեն Պետրոսյանը:

ՀՅԴ-ն և ՙՕրինաց երկիրը՚  կապված են իշխանությունների հետ և վստահություն չեն ներշնչում ժողովրդին, այսօր մամուլի ասուլիսի ժամանակ այդպիսի կարծիք է հայտնել Ժողովրդական կուսակցության առաջնորդ Տիգրան Կարապետյանը: 

Ադրբեջանի կողմից խփված հայկական ուղղաթիռի անձնակազմի անդամների մարմինների դուրս բերմանն ուղղված ՀՀ Պաշտպանության նախարարության գործողություններն անթերի էին, մինչդեռ արտաքին քաղաքական գերատեսչության գործողություններում որոշակի թերություններ կային: Այդ մասին հայտարարել է ՀՀ նախկին արտգործնախարար Ալեքսանդր Արզումանյանը:

Դրամի կտրուկ արժեզրկումը բացասաբար կանդրադառնա բնակչության բարեկեցության վրա, սակայն դրական կազդի արտահանողների վրա: Նոյեմբերի 27-ին լրագրողների հետ զրույցում այդպիսի կարծիք է հայտնել վարչապետ Հովիկ Աբրահամյանը, պարզաբանելով, որ դա արտահանողներին հնարավորություն կընձեռի պահպանել արտադրության ծավալները, չընդհատել իրացման գործընթացը, ստեղծել նոր աշխատատեղեր:

Հայաստանի կառավարությունը կառուցողականորեն է տրամադրված և ցանկանում է համագործակցել ընդդիմության հետ: Այդ մասին հայտարարել է վարչապետ Հովիկ Աբրահամյանը լրագրողների հետ զրույցում:

ՀՅԴ ընդհանուր ժողովի նախաշեմին կուսակցության շարքերում լուրջ տարաձայնություններ են ծագել ՀՅԴ Բյուրոյի ներկայացուցչի թեկնածության շուրջ, հաղորդում է «Հրապարակ» թերթը:

Վերջին 24 ժամվա ընթացքում հրկիզվել են <<Նախախորհրդարանի>> չորս ներկայացուցիչների ավտոմեքենաները:

 Թուրքիայի խորհրդարանը կքննարկի <<Թուրքիայում իրագործված զանգվածային սպանությունների ճանաչման մասին>> օրինագիծ: