ԱրմԻնֆո- BLACK SEA PRESS: Պաշտոնական Թբիլիսին վստահ է, որ Հայաստանը և Ադրբեջանը կկարողանան խաղաղ բանակցությունների ճանապարհով համաձայնություն ձեռք բերել, և տարածաշրջանում կվերակագնվի խաղաղությունը, լրագրողներին հայտարարել է Վրաստանի նախագահ Գեորգի Մարգվելաշվիլին: 

ՀՀ Ազգային ժողովի քաղաքական խմբակցությունները հանդես են եկել ղարաբաղյան հակամարտության գոտում իրավիճակի սրման առնչությամբ համատեղ հայտարարությամբ:

Beeline-ը շարունակում է Հայաստանի մարզերում ԱՀԿ-ների և բաժանորդային գծերի թվայնացման աշխատանքները: Մասնավորապես, Սյունիքի մարզի Շվանիձոր համայնքում ընկերությունը սկսել է ֆիքսված կապի ենթակառուցվածքի արդիականացման աշխատանքները։   Մինչև ընթացիկ տարվա օգոստոսի կեսը Beeline-ը կավարտի թվային կայանի մոնտաժման, ֆիքսված կապի բաժանորդների գործող համարների միացման և սարքավորումների փոխարինման աշխատանքները, ինչը հնարավորություն կտա ապահովել Շվանիձոր համայնքի բնակիչներին ֆիքսված կապի բարձրորակ ծառայություններով և լայնաշերտ ինտերնետի հասանելիությամբ:

ԵԱՀԿ ԽՎ Հարավային Կովկասում հատուկ ներկայացուցիչ Ժոաո Սուարեշը խորը մտահոգություն է հայտնել ղարաբաղյան հակամարտության գոտում իրավիճակի սրման առնչությամբ և կողմերին կոչ արել իրավիճակի խաղաղ կարգավորման ուղիներ գտնել: Այդ մասին հայտնում է ԵԱՀԿ ԽՎ-ն:

 5-6 կազմակերպություն հետաքրքրված է Հայաստանում արևային էլեկտրակայանների կառուցման գործում ներդրումների հնարավորություններով: Այդ մասին մամուլի ասուլիսի ժամանակ հայտնել է Հայաստանի վերականգնվող էներգետիկայի և էներգախնայողության հիմնադրամի ղեկավար Թամարա Բաբայանը:

 Հայաստանի և ԼՂՀ պաշտոնատար անձինք վերջին օրերն անցկացնում են հայ-ադրբեջանական սահմանի և ԼՂՀ ու Ադրբեջանի ԶՈՒ շփման գծի առաջնային դիրքերում:

ՆԱՏՕ-ն մտահոգված է Լեռնային Ղարաբաղի հակամարտության գոտում լարվածության վերջին սրման առնչությամբ: Ըստ ԱՊԱ-ի, այդ մասին լրագրողներին ասել է Հարավային Կովկասի գծով ՆԱՏՕ-ի համակարգող Ուիլյամ Լաուն: Նա նշել է, որ ՆԱՏՕ-ն Լեռնային Ղարաբաղի հակամարտության խաղաղ կարգավորման կողմնակից է: Նա հավելել է, որ լարվածության սրումը սպառնում է կայունությանը ոչ միայն Ադրբեջանում և Հայաստանում, այլև` ողջ տարածաշրջանում, և երկու կողմերը պետք է միջոցներ ձեռնարկեն այդ լարվածության վերացման նպատակով: 

Մինչև շաբաթվա վերջը նախատեսվում է լիովին վճարել «Միկա Ցեմենտ» ՓԲԸ աշխատողների աշխատավարձի գծով պարտքը: Այդ մասին ԱրմԻնֆո-ի թղթակցին հաղորդել է գործարանի փոխտնօրեն Նաիրա Մարտիրոսյանը:

 Օգոստոսի 5-ին Բաքվում ձերբակալվել է հայտնի կոնֆլիկտաբան, Խաղաղության ու ժողովրդավարության ինստիտուտի աշխատակից Արիֆ Յունուսը, ով տեսակցության էր գնացել քննչական մեկուսարանում կալանքի տակ պահվող իր տիկնոջը` Լեյլա Յունուսին:

 Հայ-ադրբեջանական սահմանում աճող լարվածության առնչությամբ Վաշինգտոնը սահմանափակում է կիրառել Հայաստանի և Ադրբեջանի սահմանակից տարածքներ իր պետական պաշտոնյաների այցելությունների համար` անվտանգության նկատառումներով:

ՆԱՏՕ-ն մտահոգված է Լեռնային Ղարաբաղի հակամարտության գոտում լարվածության վերջին սրման առնչությամբ: Ըստ ԱՊԱ-ի, այդ մասին լրագրողներին ասել է Հարավային Կովկասի գծով ՆԱՏՕ-ի համակարգող Ուիլյամ Լաուն: Նա նշել է, որ ՆԱՏՕ-ն Լեռնային Ղարաբաղի հակամարտության խաղաղ կարգավորման կողմնակից է: Նա հավելել է, որ լարվածության սրումը սպառնում է կայունությանը ոչ միայն Ադրբեջանում և Հայաստանում, այլև` ողջ տարածաշրջանում, և երկու կողմերը պետք է միջոցներ ձեռնարկեն այդ լարվածության վերացման նպատակով:

Անցած գիշեր և այսօր առավոտյան ադրբեջանական կողմը կրկին խախտել է հրադադարի պահմանման ռեժիմը հայ-ադրբեջանական պետական սահմանագոտու տարբեր հատվածներում` կիրառելով հրաձգային, այդ թվում` խոշոր տրամաչափի զինատեսակներ:

 Մեծ Բրիտանիայի արտաքին քաղաքական գերատեսչությունը մտահոգություն է հայտնել ղարաբաղյան հակամարտության գոտում բռնության դեպքերի առնչությամբ և բոլոր կողմերին կոչ է արել թուլացնել լարվածությունը: Այդ մասին ասվում է Միացյալ Թագավորության արտաքին քաղաքական գերատեսչության հայտարարությունում:

Լարվածության սրումը Լեռնային Ղարաբաղի հակամարտության գոտում սպառնում է տարածաշրջանի անվտանգությանը և մեծացնում անկայունությունը: Այդ մասին Twitter-ի իր միկրոբլոգում գրել է Շվեվդիայի արտգործնախարար Կառլ Բիլդտը:

«ԱՄՆ Պետդեպարտամենտը խորը մտահոգություն է հայտնում հուլիսի 31-ից Արցախի և Ադրբեջանի ԶՈՒ շփման գծում իրավիճակի սրման առնչությամբ: Մենք ցավակցություն ենք հայտնում զոհերի և վիրավորների ընտանիքներին և բոլոր կողմերին կոչ ենք անում անհապաղ միջոցներ ձեռնարկել լարվածության թուլացման ուղղությամբ և հարգել հրադադարի ռեժիմի շուրջ համաձայնագիրը»: Ինչպես հաղորդում է ԱՄՆ Պետդեպարտամենտի կայքը, այդ մասին Վաշինգտոնում ճեպազրույցի ընթացքում հայտարարել է Պետդեպարտամենտի ներկայացուցիչ Ջեյն Փսակին` անդրադառնալով ղարաբաղյան հակամարտության գոտում առկա իրավիճակին և Հայաստանի ու Ադրբեջանի նախագահների` օգոստոսի 8-9-ը Սոչիում Ռուսաստանի ղեկավարի հետ կայանալիք հանդիպմանը:

 Թուրքիայի զինված ուժերի հրամանատարությունը հայտարարել է Ադրբեջանին սատարելու մասին: Այդ մասին հաղորդում է «Թրենդը»` վկայակոչելով Ադրբեջանի պաշտպանության նախարարության մամուլի ծառայությունը:

Oգոստոսի 4-ից 5-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 400 անգամ:

 ՄԱԿ գլխավոր քարտուղար Պան Գի Մունը կիսում է ԵԱՀԿ Մինսկի խմբի համանախագահների և մյուս միջազգային գործընկերների խորը մտահոգությունը Արցախի և Ադրբեջանի ԶՈՒ շփման գծի երկայնքով և հայ-ադրբեջանական սահմանում լարվածության աճի և բռնության դրսևորումների առնչությամբ, որոնք արդեն հանգեցրել են բազմաթիվ զոհերի:

 ԵԱՀԿ գործող նախագահի անձնական ներկայացուցիչ Անջեյ Կասպրշիկը հանդես է եկել ղարաբաղյան հակամարտության գոտում լարվածության աճի հետ կապված հայտարարությամբ: Ինչպես ԱրմԻնֆո-ին հայտնել են ԵԱՀԿ մամուլի ծառայությունում, Կասպրշիկը նշել է, որ ռազմաճակատի երկայնքով միջադեպերը մտահոգության տեղիք են տալիս:

 ԼՂՀ ՊԲ տեղեկությունների համաձայն, այսօր հակառակորդի դիպուկահար կրացից ԼՂՀ հյուսիսային սահմաններին տեղակայված դիրքերից մեկում զոհվել է կ-ստ Արամ Մկրտիչի Գրիգորյանը, ծնված 1971թ: