«Դուրս մեր գրպաններից» քաղաքացիական նախաձեռնությունն ավտոերթ է կազմակերպել Երևանի Բրազիլիայի հրապարակից, պահանջելով վերացնել մայրաքաղաքի վճարովի կայանատեղերը և հինգ անգամ կրճատել երթևեկության կանոնների համար տուգանքները, ինչպես նաև չեղյալ հայտարարել մինչ օրս նշանակված բոլոր տուգանքները` մինչև նոր սակագների ընդունումը: 

Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն, այսօր՝ հունիսի 10-ին, ԵԱՀԿ առաքելությունը Լեռնային Ղարաբաղի եւ Ադրբեջանի զինված ուժերի շփման գծի պլանային դիտարկում է անցկացրել Հադրութի ուղղությամբ Հորադիզ բնակավայրի մոտակայքում:

1923 թվականից ի վեր առաջին անգամ Ստամբուլում նոր հայկական դպրոց է կառուցվում` տասնամյակներ տևած իրավաբանական խոչընդոտներից հետո:

 Հայկական ուժերը պատրաստվում են շոշափելի հարվածներ հասցնել ադրբեջանական կողմին, և այդ ուղղությամբ նախապատրաստություններն ընթացքի մեջ են: Այդ մասին «Ազատության» հետ զրույցում ասել է պաշտոնաթող գեներալ-մայոր Արկադի Տեր-Թադևոսյանը, նշելով, թե «ինքը նման տեղեկություններ ունի»: 

Հայաստանը չպետք է անդամակցի որևէ ՙբրգաձև՚ միության` ո’չ ԵՄ-ին, ո’չ ՄՄ-ին, այսօր լրագրողներին հայտարարել է կառավարման փորձագետ Հարություն Մեսրոպյանը:

Արդշինինվեստբանկը ներկայացնում է ՀՀ բանկային շուկայում նախադեպը չունեցող բանկային վճարային քարտ` Visa Individual:

Հյուսիս-Հարավ  ավտոմայրուղու շինարարությունը հայտնվել է Հայաստանի իշխանության ներսում ծածուկ պայքարի էպիկենտրոնում: Այդպիսի կարծիք է հայտնել ԱԺ պատգամավոր Նիկոլ Փաշինյանը խորհրդարանում 170 մլն դոլարի լրացուցիչ վարկային միջոցների շուրջ համաձայնագրի քննարկման ժամանակ, որոնք նախատեսվում է ուղղորդել ավտոմայրուղու շինարարությանը:

Երկրի քաղաքական կյանքում Սերժ Սարգսյանի դերը որպես ՀՀԿ առաջնորդ 2018 թվականից հետո էլ բարձր կլինի, լրագրողների հետ զրույցում հայտարարել է ԱԺ խոսնակ Գալուստ Սահակյանը: Ընդ որում նա անհեթեթ է համարել այն պնդումները, թե նախագահի նախաձեռնած սահմանադրական բարեփոխումները նրա իշխանության ղեկին մնալը երկարաձգելու նպատակ ունեն:

Հայաստանի արտաքին պարտքն արդեն անցել է 4,5 մլրդ դոլարի նշագիծը, և ստեղծվում է տպավորություն, որ կառավարությունը «ստախանովյան» տեմպերով  ձգտում է այդ ցուցանիշը հասցնել 5 մլրդ դոլարի: Հունիսի 9-ին ԱԺ ամբիոնից այդ մասին հայտարարել է ԲՀԿ խմբակցության պատգամավոր Նաիրա Զոհրաբյանը` մենաբանելով «Հյուսիս-Հարավ» ավտոճանապարհի շինարարությունը շարունակելու համար Եվրոպական ներդրումային բանկի հետ 60 մլն եվրոյի վարկային պայմանագիրը, որը ներկայացվել է վավերացման:

 ՆԱՏՕ-ն ունի մի ավանդույթ, որի համաձայն, ոչ մի պարագայում չվնասնել Ալյանսի անդամ-երկրի շահերը, ի տարբերություն այդ նույն ՀԱՊԿ-ի, որտեղ սիրում են իրենց գործընկերներին դնել բարդ իրավիճակների մեջ: Այս մասին այսօր կայացած մամուլի ասուլիսում հայտարարել է ՆԱՏՕ ԽՎ հայկական խորհրդարանական պատվիրակության անդամ Թևան Պողոսյանը:

Հայաստանում էներգակիրների գները կարելի է իջեցնել 20 տոկոսով` առանց վնաս պատճառելու ընկերություններին: Այս մասին այսօր լրագրողների հետ հանդիպմանը հայտարարել է փորձագետ Հարություն Մեսրոբյանը:

 Ոչ իշխանական խորհրդարանական «քառյակը» հունիսի 10-ին խորհրդարանում կայանալիք մամուլի ասուլիսում կհրապարակի 12 կետից բաղկացած իր պահանջներն իշխանությանը: Հունիսի 9-ին այդ մասին հաղորդել է «Ժառանգություն» խմբակցության ղեկավար Ռուբեն Հակոբյանը` 4 խմբակցությունների (ՀԱԿ, ՀՅԴ, ԲՀԿ և «Ժառանգություն») ներկայացուցիչների հերթական հանդիպումից հետո:

ԵԱՀԿ խորհրդարանական վեհաժողովում Հայաստանի պատվիրակությունը ողջ կազմով կմեկնի Բաքու: Այդ մասին հաղորդում է ԱՊԱ-ն, վկայակոչելով ԵԱՀԿ ԽՎ-ում Ադրբեջանի պատվիրակության ղեյկավար, Միլլի մեջլիսի փոխնախագահ Բախար Մուրադովային:

Մայիսի 6-ին տեղի ունեցավ Կոնվերս Բանկի և Avers դրամական փոխանցումների համակարգի համատեղ «Ուղևորություն Avers-ի հետ» ակցիայի հանդիսավոր փակումը: Այս մասին ԱրմԻնֆո գործակալությանը տեղեկացվել է Բանկի մամուլի ծառայությունի:

 Հայաստանի հանրապետական կուսակցությունը պատրաստ է քննարկել ոչ իշխանական խորհրդարանական քառյակի  (ՀԱԿ, ԲՀԿ,. ՀՅԴ և «Ժառանգություն») 12 պահանջները: Հունիսի 9-ին լրագրողներին այդ մասին հայտարարել է ԱԺ փոխխոսնակ Էդուարդ Շարմազանովը: «Մենք պատրաստ ենք քննարկումների` հենց որ ծանոթանանք քառյակի առաջարկություններին», - նշել է նա:

«Շավարշ Քոչարյանը, դատելով նրա վերջին հայտարարություններից, լուրջ խնդիրներ ունի, ու ոչ միայն հիշողության հետ», - հայտարարել է Հայաստանի երկրորդ նախագահի գրասենյակի ղեկավար Վիկտոր Սողոմոնյանիը` ի պատասխան օրերս «Ազատություն» ռադիոկայանի հետ զրույցում արտգործնախարարի տեղակալի արած հայտարարություններին:

Անվտանգության ապահովման դեպքում Հայաստանը պատրաստ է երկու պատվիրակ ուղարկել Բաքու` ՆԱՏՕ-ի ԽՎ Rose Roth սեմինարին մասնակցելու համար, որը նախատեսվում է հունիսի 16-18-ը,  Հունիսի 9-ին Երևանում ճեպազրույցի ժամանակ հաղորդել է ՆԱՏՕ-ի ԽՎ-ում Հայաստանի պատվիրակության ղեկավար Կորյուն Նահապետյանը:

 Ամերիաբանկը հանդես է գալիս ՓՄՁ-ների վարկավորման հատուկ արշավով, ինչը ՓՄՁ-ներին հնարավորություն կընձեռի օգտվել Ամերիաբանկի կողմից առաջարկվող վարկավորման նոր առավելություններից: Ինչպես ԱրմԻնֆո գործակալությանը տեղեկացվել է Բանկի մամուլի ծառայությունից, «Բումերանգ» արշավի շրջանակներում հիանալի հնարավորություն կստանան այն վարկառու ՓՄՁ-ները, ովքեր իրենց վարկը այլ բանկերից կտեղափոխեն Ամերիաբանկ: Արդյունքում` տեղափոխվող վարկի գումարի 1%-ը Ամերիաբանկը կվերադարձնի վարկառուին, և վերջինս հնարավորություն կստանա այն տնօրինելու իր հայեցողությամբ: Ընդ որում, չի գանձվում վարկի տրամադրման համար որևէ վճար, և Բանկը հոգում է գույքի գնահատման, գրավադրման և պայմանագրերի նոտարական վավերացմանն առնչվող բոլոր ծախսերը:

 ՙԴեմ եմ՚ քաղաքացիական շարժումը հունիսի 11-ին Սատարման երթ կանցկացնի: Ինչպես հայտնում է նախաձեռնությունը, ակցիան կմեկնարկի 19:00-ին Մատենադարանի մոտ: 

 Փոքր ՀԷԿ-երի պատճառով Ախուրյան գետը գրեթե ամբողջովին չորացված է, ասվում է Համահայկական բնապահպանական ճակատի հայտարարության մեջ: 
Ակտիվիստների տեղեկությունների համաձայն, Ախուրյան գետի վրա արդեն կառուցված են և գործում են երեք փոքր հիդրոէլեկտրակայաններ, ևս երկուսն էլ այժմ գտնվում են կառուցման փուլում։